RV – Iha orasaun marianu Angelus nian ba domingu da-2 Adventu nian, 9 Dezembru 2012, Amu-Papa hateten katak iha Tempu Adventu, liturjia destaka figura rua ne’ebé prepara ba Mesias ne’ebé atu mai: Virjen Maria no Juaun Batizta.

Iha domingu ne’e, S. Lucas aprezenta mai ita  Juaun Batizta ho karakterístika diferente husi evanjelista seluk. “Evanjellu haat hotu koloka iha inísiu Jezús nia atividade nian Juaun Batizta nia figura no aprezenta nia nu’udar ida ne’ebé prepara dalan ba Nia. S. Lucas husik ba depois ligasaun entre figura rua ne’e no sira idaidak nia misaun.

Husi kedas bainhira sira sei iha sira-nia inan nia knotak no sira-nia naximentu, Lucas liga ona Jezús no Juaun iha relasaun ba malu. Kolokasaun ne’e ajuda atu komprende katak Juaun nu’udar Zacarias no Isabel nia oan, rua-rua husi família amlulik nian, la’ós de’it profeta ikus nian maibé mós reprezenta saserdósiu iha Aliansa Tuan nune’e, prepara ema sira ba kultu espirituál Aliansa Foun nian, ne’ebé Jezús mak inaugura” – haktuir Bento XVI.

“Juaun Batizta define nia an nu’udar lian ne’eb´ehakilar iha rai-fuik maran: Prepara dalan ba Na’i, haloos ninia dalan sira. Lian haklaken Liafuan, maibé Maromak nia Liafuan bá uluk, basá nia rasik mak tuun ba Juaun, Zacarias nia oan, oha rai-fuik maran. Niaiha funsuan boot ida, maibé nafatin iha relasaun ho Kristu ” – subliña Santu-Padre.

“Juaun mak lian ne’ebé liu, Kristu mak Liafuan rohan-laek, horiuluk kedas” – Amu-Papa hateten hodi sita S. Agostinho nia liafuan sira.

“Mai ita knaar atu rona liafuan ne’e atu loke espasu ba Jezús no simu nia iha fuan, Liafuan ne’ebé so’i ita. Iha Tmepu Adventu nian ida-ne’e, mai ita prepara an atu haree ho matan fiar nian, iha fatu-kuak simples Belein nian, Maromak nia salvasaun. Iha sosiedade konsumu nian, ne’ebé buka ksolok iha sasán siram Juaun Batizta hanorin mai ita atu moris ho maneira esensiál atu nune’e Natál bele sai, la’ós de’it festa esteriór iaa, maibé festa Maromak nia Oan nian ne’ebé mai atu lori ba ema sira dame, moris no ksolok loos”.

Bento XVI taka ninia alokusaun, hodi konfia ita-nia dalan hasoru Na’i ne’ebé mai, ba Maria, Virjen Adventu nian, atu ita bele sai prontu atu simu, iha fuan no iha moris tomak, Emanuel, Maromak ho ita”.