Fuiloro – Hotu tiha selebrasaun Eukaristia grupu ida-idak kontinua halo viajem ba fatin seluk ne’ebe sira seidauk ba. Formasaun hotu tiha  fo tempu ba partisipante sira atu halo reflesaun pesoal hafoin fahe iha grupu ida-idak.

Tuir mai iha foin-sa’e feto no mane balun ne’ebe hakarak fahe sira nia reflesaun ba formasaun ne’ebe sira rona.

 Husi Elsa Sousa (Animadora C.P.N):

Ha’u aprende konaba Don Bosco nia moris espiritual mak formasaun, misaun no agradecimento. Husi formasaun ne’ebe don Bosco fo mai ha’u iha ninia aktividade apostolika hodi tulun ha’u atu sai sarani/animadora ne’ebe diak no loos atu aumenta liu tan ha’u nia domin ba Jezus no Maria, modelu konkretu konaba santidade Juvenil. Nia (DB) hanorin ha’u atu fo importansia ba Maromak nia grasa atu transforma ha’u nia fuan sai ema ne’ebe laran luak liu tan. Halo ha’u aprende buat foun ne’ebe furak liu mak oinsa reza, servisu iha oras ne’ebe los, hodi halo orasaun ne’ebe badak no signifikante ba Maromak ne’ebe hanaran mos Jakulatorio.

Eduka ha’u liu liu atu komprende domin, pasiensia, optimizmu no laran metin.

Ha’u nia esperiensa wainhira ha’u halo viajem ba iha “Colle Don Bosco”. ( Grupu Cheiri)

Justina Freitas Soares:

Esperensia nudar grupu Valdoco nian, hau sente kontente liu ho esperensia ne’ebe hau hetan wainhira halao viagen ba “Colle” maski ho tempuuu ne’ebe limitadu maaibe nakuno hooo murak mean formasaun humanu no espirituala nian hodi lori hau deskobre liutan kona ba Don Bosco nia infantiiil ho ninia familia sira.

Hau sente kontente loos bainhira rona kona ba formasaun ida ne’enooo admira tebes ba Mama Margarida nia attitude tomak.  Hodi rona esplikasaun husi formadores sira hau deskobre katak Mama Margarida mak inan ida ne’ebe domin boot no fiar ne’ebe metin liu ba Maromakno mos metin liu ba vertudes teolagais tolu mak hanesan: Fe, Esperansa, Karidade.

Tuir tan esplika kona ba Padre Caloso nia hahalok sira hotu ne,ebe hau rona tulun hau hodi komprende oinsa hau bele iha espiritu solidaridade hodi hatene tulun ema ne’ebe presisa liu atu deskobre mos buat diak barak.

Iha parte exortasaun Apostoliku “ Evangelium  Gaudium/ Evanjellu Ksolok nian, book tebes hau nia fuan no mos loke tebes hau nia hanoin hodi apresia ba liafuan ksolok ne’ebe sai rezumu ida mai hau husi parte intelektual no mos estratejia da pratika. Asaun konkretu tomak hodi hatudu domin no fiar ba Jesus Kristu.

His viajen ne’e, halo hau komprende no foti topiku ne’ebe hau sente mak ” DOMIN NO FIAR MAK SAI HUN BA MORIS ROHAN LAEK”.  (Grupu Valdoco)

Joha Frensia:

Hau kontente tebes tanba bele hola parte iha grupu Colle.  Tanba iha grupu laran hau rona no haklean liutan kona ba Don Bosco nia esperensia bainhira ni sei kiik iha rai Bechi.

Iha don Bosco nia moris iha personajen sira ne’ebe tulun atu lao ba oin mak : Mama Margarida no mos Padre Calloso. Mama Margarida mak hanesan mestra dahuluk ba ninia oan sira, hanorin sira atu sasi sarani ne’ebe diak no sidadaun ne’ebe onestu.  Mama Margarida hanorin nia oan sira atu serbius makas pasensia no responsabilidade.

Iha moris espiritual nia mos hanorin doutrina sarani nian ba nia oan hodi prepara nia ab primeira komuñaun.

Padre Caloso sai nudar don Bosco Bosco nia gia spiritual, liu tulun  nia atu deskobre Maromak n ia prezente ba nia moris.  Hodi rona esplikasaun ne’ebe  madre no irmaun sira fahe tulun hau atu konhese diak liu tan Don Bosco  hodi moris tuir ninia espiritu laran metin nian ba Maromak hadomi Maromak hodi tulun maluk sira hodi lao hamutuk ba dalan santidade  nian.

 ( husi grupu colle)

 Fransisca Maria Fatima Belo:

Uluk knanain hau hakarak agradece ba oportunidade ne’e, tanba durante loron tolu nia laran ha’u halo esperiensia iha duni Don Bosco nia fatin sira ne’ebe significadu tebes. Ha’u husi grupo Chieri hakarak fahe uitoan hau nia esperiensia. Ha’u halo konklusaun no reflesaun ho buat tolu iha Chieri mak :   ESTUDA:  Mai ha’u nu’udar profesora ida la to’o atu hanorin deit, tenke hakonu-an ho estuda barak liutan, lee livru seluk ne’ebe aumenta hau nia kapasidade atu hanorin, hanesan Don Bosco ne’ebe iha objetivu ida deit ba hela iha Cheiri atu estuda. Devosaun : ha’u sente inan tulun nain ne’e hola parte duni iha ha’u nia moris. Wainhira ha’u tau laran metin tomak iha Nain feto, ha’u nia lalaok tomak sei sai nu’udar bensa ba alunus no ema hotu ne’ebe hau hasoru. Ha’u hakarak sai inan ba estundante sira, hadomi sira la ho batas, fo ba sira buat hotu ne’ebe ha’u aprende. Ikus liu mak AMIZADE: ha’u halo propozitu ida katak tenke aprende liutan atu iha atitude RONA nian, hatene rai segredu no koalia lialos entre ha’u no maluk sira seluk.

(Kom FMA Baucau)

Sabino Antonio Diaz:

Ha’u nu’udar estudante Universidade ida iha hakarak atu atinji hau nia objectivu ne’ebe ha’u hakarak to’o liu-liu ho esperiensia iha Chieri ho konklusaun ba Tema mak : Estuda, Devosaun no Amizade. Propozitu ruma ne’ebe ha’u halo mak : esforsu-an atu estuda didiak hodi hetan valor ne’ebe diak liutan, harii relasaun diak ho kolega sira iha kampus no nafatin ida  iha devosaun ba Inan doben ne’ebe nafatin tulun hau iha momentu hotu hau nia moris nian. Dala barak hau hetan difuculdade, hau nia laran metin ba inan ne’e halo hau hatene atu foti hakat ruma ba oin liutan hodi hare katak Maromak sei hatudu dalan mai hau.

(Kom FMA Baucau)

Iha lokraik Grupu Valdoco, Chieri ho Colle hili sira nia propózitu ba tinan oin nian:

Grupu Valdoco

Asaun konkretu ne’ebe ami nia grupu hakarak ba tinan mai mak tuir mai ne’e:

• Vizita ema kiak / moras liu –liu ( Ferik e katuas)

Oinsa halo:

• Husu informasaun ba xefe suku ho Amo paroco
• Tinan ida dala rua ( Adventu & Kuarezma)
• Loke banku iha Oratorio / Eskola
• Buka fundus rasik liu husi kreatividade
• Ba hamos uma, kuru bee nst

Grupu Chieri  

Pasu konkretu ne’ebe ami hakarak halao iha tinan ne’e mak:

• Hatudu nafatin hamnasa midar iha fatin Oratorio ka Eskola
• Fo hanoin ba malu keta halimar FB ( Facebook) iha labarik sira nia oin bainhira iha hela atividade
• Hakbesik ba labarik no Joven sira hodi la haree ba raça no familia
• Sai ema primeiru atu hakbesik kolega ne’ebe hirus malu

Grupu Colle

Pasu konkretu : AKOMPAÑAMENTU

Oinsa:

• Tulun labarik sira atu labele koalia lia foer (tolok)
• Liu husi jogos ita bele manan labarik sira nia fuan
• Tulun labarik sira atu hakbesik liutan ba sakramentu Konfesa & Komuñaun.

Hotu tiha grupu sira hmai hamutuk iha asemblea laran hodi hatoo sira nia propositu hafoin fahe fila fali ba komunidade ida-idak atu deskuti no hili fali Propozito ida ba komunidade atu halao ba tinan nee nia laran. Propozitu barak mmosu mak :  KRIA AMIZADE , AKOMPAÑAMENTU, KARIDADE nst

Ba orsida kalan mak sei iha Ahi klobor nu’udar momentu orasaun ne’ebé prepara husi komunidade responsavel.

(Ines Bartolo Freitas)