Sirkulár 932: “Sínodu: prezente no responsabilidade”
Irmán doben sira, ha’u iha ne’e atu fahe ho imi esperiénsia rika no signikativa ne’ebé ha’u halo, iha kualidade ouvinte nian, iha Asembleia Jerál Ordinária da-13 Sínodu Bispu sira-nian, ne’ebé realiza iha Roma, loron 7 to’o 28 Outubru 2012, kona-ba Evanjelizasaun Foun ba Fiar Sarani nia tranzmisaun.
Ha’u agradese Santu Padre Bento XVI ba konvite ne’ebé ha’u konsidera nu’udar prezente no responsabilidade ida ba Institutu tomak. Espíritu Santu mak haraik ita-nia karizma ba Kreda, no ita simu bolun atu halo nabilan fatuk-murak ne’e, hodi haklaken liafoun-di’ak Evanjellu nian ba jerasaun foun sira iha kontinente hotu, iha-ne’ebé ita horik bá.
