Husi irmán Dolores RIbeiro FMA – Venilale

Ir. Carolina Correia FMA, fó formasaun ba família ne’ebé atu simu sakramentu kaben. Iha pontu / pensamentu ruma atu ko’alia ba futuru kabe-na’in sira :

1 Dinámika relasaun kaben-na’in nian

2 Forma família presiza bazeia iha: a)Maromak; b)Domin no komprensaun ba malu, iha konfiansa no fidelidade ba malu, hatene fó no hatene simu, iha kolaborasaun ba malu, responsabilidade ba malu, iha komunikasaun ne’ebé di’ak ba malu.

3 Domin no seksualidade ema nian.

4 Konflitu :  Finalidade kaben-nian, jerasaun, domin, eduka oan sira.

 

RELASAUN FAMÍLIA SARANI NIAN

La’en-feen, Inan-Aman, no oan sira hari uma-kain Maromak nian.

Estuda Bíblia, Maromak nia Liafuan atu sai nu’udar roman no matadalan ba moris iha família laran, hanesan salmista dehan: “Ita-nia liafuan nu’udar ahi-oan lakan iha hau ain- no roman iha hau dalan” (Sal. 109:105).

Maromak nia Liafuan fó instrusaun, inspira no gia ita atu harii uma ksolok nian.

Maromak kria relasaun kaben nian katak Nia haraik grasa no bensan ba sira hotu ne’ebé envolve iha família laran. Maibé iha família barak ne’ebé hetan susar, dala barak mosu hirus malu entre feen no la’en, entre inan-aman no oan, ka entre maun-alin no biin-alin. Maromak fó instrusaun saida iha Nia Liafuan atu tulun ita harii uma ne’ebé fo ksolok ba Nia iha ita nia obedese ba Nia.

Pergunta ruma durante enkontru formasaun nian:

• Oinsá menbru família bele trata malu?
• Saida mak obrigasaun la’en, feen no oan sira nian?
• Oinsá domin no kompromisu nia importánsia iha matrimóniu?
• Kauza saida mak halo kaben-na’in sira soe malu no kaben fila fali?
• Sé mak tenke halo autoridade no ulun iha uma? Sé mak fornese rendimentu família nian no sé mak tau matan ba uma?
• Badinas oinsá inan-aman tenke hanorin no treinu oan sira?
• Inan-aman tenke uza violénsia, uza dixiplina, kastigu hodi fó motivasaun atu obedese ?
• Sé mak tau matan ba inan aman otas tuan?