Oratóriu zona Fuiloro selebra Don Bosco nia bisentenáriu hamutuk
![Oratóriu zona Fuiloro selebra Don Bosco nia bisentenáriu hamutuk](https://www.fmatin.org/wp/wp-content/uploads/2015/07/festa_oratoriu_fuiloro-800x500_c.jpg)
Fuiloro –Ohin movimentu iha sentru Fuiloro rame tebes, tamba husi sentru Fuiloro Oratoriano sira mai husi Mehara, Poros, Cepelata, Nanafoe, Somocho, Iralafai, Motara, Titilari Maulo, e Sentru Fuiloro mos inklui Sentru Oratorio Lospalos ne’ebe oratoriano sira hamutuk 1.700 foinsae no labarik sira.
Festa oratorio nee hahu ho Bemvinda hafoin animasaun kada grupu oratorio sira hodi aprezenta sira nia yell-yell ho jestu oin-oin
Iha tuku 11.15 OTL hahu ho Eukaristia Santa ne’ebe preside husi Padre Mario do Rosario, SDB, Director Lospalos.
iha omilia koalia kona ba liturjia ohin nian, Jezús nia hanorin iha sinagoga halo ema barak hakfodak ho Ninia matenek ho milagre sira ne’ebe Nia halo. Tuir ema Judeu sira hare Jesus ne’e ema bain-bain maibe ohin sira haree Nia oinseluk. Nunee mos mai ita, iha domigu-domingu ita partesipa Oratorio ho atividade ne’ebe hanesan, maibe ohin ba ita domingu Spesial tanba ho razaun ida mak ne’e: Zona Lospalos no Fuiloro selebra Festa Oratorio hamutuk, motivu uniku mak selebra Bisentenariu Don Bosco nia moris.
Iha momentu ne’e, Maromak hakarak husu ba ita ida-idak hanesan Nia husu ba Profeta Ezequiel : imi ba haklaken Maromak nia liafuan. Maski ita sente katak ita labele maibe Maromak nafatin fo nia kbiit mai ita atu lori Nia liafuan ba ita nia maluk sira ne’ebe sidauk konhese Kristu no liu-liu ba ita ida-idak nia familia rasik.
Bainhira misa hotu tiha almosu hamutuk hafoin mak jogus ne’ebe partisipa husi Oratorio Sentru Fuiloro tomak no mos Oratorio Lospalos.
Jogos ne’e nia sentidu mak atu konhese liutan Don Bosco nia fatin moris nian no atividade hirak ne’ebe iha ligasaun ho Don Bosco nia moris.
Selebrasaun ne’e sai diak tanba iha kolaborasaun husi Parte SDB & FMA sira ne’ebe hela iha area Lospalos no Fuiloro nian, maibe mos ho partisipasaun Animadores , foinsae no labarik ne’eebe ho fuan boot atu selebra festa ida ne’e.
(Ines Freitas)