Domingu XIV Tempu Komún – Tinan B
Liturjia domingu ne’e nian hatudu katak Maromak bolu ema nafatin atu sai sasin iha mundu kona-ba ninia projetu salvasaun nian. La interese se ema sira-ne’e fraku no limitadu; Maromak nia kbiit hatudu liuhusi frakeza no frajilidade instrumentu umanu sira-ne’e ne’ebé Maromak hili no haruka.
Evanjellu, hodi hatudu oinsá ema sira husi nia rai Nazaré simu Jezús, afirma filafali ideia ida ne’ebé mosu mós iha leitura rua seluk domingu ne’e nian: Maromak manifesta An ba ema iha frakeza no frajilidade. Bainhira ema sira rekuza atu entende realidade ida-ne’e, fasil liu ba sira atu lakon oportunidade atu deskobre Maromak ne’ebé mai hasoru sira no hakohak dezafiu sira ne’ebé Maromak aprezenta.
