Maromak hadomi moris! Nia hakarak de’it maka moris! “Maromak hakiak ema atu la bele mate” (leitura dahuluk). Hodi nia Oan, nia salva ita husi mate: tanba ne’e mak ita agradese nia iha Eukaristia ida-idak. Iha nia moris iha rai, Jezús nafatin defende vida. Evanjellu ohin nian haktuir mai ita epizódiu rua ne’ebé hatudu defeza ba vida: nia kura, nia foti sa’e. Nia liberta ema hotu, halo sira sai livre, fó ba sira dignidade no kapasidade atu moris nakonu. Ita hatene dehan ba nia katak nia maka ita-nia ksolok moris nian? Domingu da-13 selebra moris forte liu mate, selebra Maromak ne’ebé hadomi moris.  Tanba ne’e furak liu atu iha selebrasaun loron ne’e nian ita halo moris hatudu nia fafurak tomak ho forma oioin: iha ai-funan nia fafurak, iha jestu no atitude sira, iha proklamasaun Liafuan nian, iha knananuk no aklamasaun, iha naroman. Durante misa tomak, hodi harohan, ita mantein konvikasaun ne’ebé espresa iha Livru Sabedoria nian: “Maromak la haksolok haree mate”

Download