RV – Vaticano publika iha kinta, 18 Juñu, ensíklika foun Papa Francisco nian: “Laudato sii”, kona-ba kuidadu ba uma komún. Dokumentu kona-ba meiu ambiente salienta nesesidade kuidadu ho kriasaun.

Ensíklika fahe ba kapítulu neen ne’ebé ko’alia kona-ba mudansa klimátika, tusan ekolójika, kestaun bee nian, krize ekolójika nune’e mó mudansa sira iha estilu moris nian. Ho dokumentu ne’e, Papa Francisco hakarak atu ema no instituisaun sira reflete kona-ba kuidadu ho meiu ambiente.

 “Ha’u lansa konvite urjente atu hafoun diálogu kona-ba maneira oinsá ita harii futuru planeta nian. Ita presiza debate ida ne’ebé halo ita sai ida de’it, basá dezafiu ambientál iha-ne’eb´eita moris bá no ninia abut umanu sira kona ita no iha impaktu ba ita hotu”.

 Download (Português)

Depoizde reflexaun konsistente ida, Papa Francisco remata ensíklika ho orasaun rua, ida ba rai, orasaun komún ne’ebé ema hotu ne’ebé fiar iha Maromak bele halo; no ida fali orasaun sarani, atu sarani sira hatene asume kompromisu sira ba ho kriasaun.