Baucau – Festa agradesimentu mundiál ba Madre Jerál FMA nian, Yvonne Reungoat, halo iha Bolivia (nasaun Amérika Latinaa nian ida) ho ninia tutun loron 26 Abríl. Tema ne’ebé propoin husi Inspetoria Na’i Feto Dame nian (BOL) mak “Sai buras no nafunan ho foin-sa’e sira iha ne’ebé Maromak hakarak”. Logo ba festa ne’e mak ai-funan nasionál Khantuta ho krr tolu: mean ne’ebé esprime saran an, konfiansa no jenerozidade korajoza; kinur, fó sai ksolok atu horik ho ema kiak no nesesitadu; verde nu’udar sinál esperansa ne’ebé konvida ba rekonsiliasaun.

Preparasaun ba festa hala’o iha etapa tolu tuir Amu-Papa nia surat ba Konsagradu/a sira iha okaziaun Tinan Vida Konsagrada nian: 1) kor mean: Hateke ba pasadu ho gratidaun; 2) kor kinur: moris prezente ho paixaun no ksolok no; 3) verde: Hakohak futuru ho esperansa.

Komunidade FMA sira iha Timor mós hala’o sira-nia selebrasaun tuir sujestaun husi Bolivia. Komunidade Baucau dedika momentu  2 ba adorasaun ba momentu pasadu no prezente; momentu datoluk ho selebrasaun, uluknana’i ho rleijiozu/a sira Dioseze Baucau nian, hodi apresia rikusoin karizmátika ne’ebé tau iha komuñaun bele lori atu hatudu jestu konkretu domin no fraternidade nian, no misaun ne’ebé envolve forsa hotu. Iha selebrasaun ne’e, FMA no relijiozu/a sira hafoun sira-nia konsagrasaun ba Maromak iha Amu-Bispu D. Basílio nia oin, iha loron 25 ABríl.

Iha loron 26 mak momentu agradesimentu no orasaun halo ho oratorianu sira. Sira halo orasaun hamutuk hodi agradese ba Maromak ba Institutu FMA no ba Madre Yvonne Reungoat, superiora boot FMA nian.  Hanesan tema festa nian ne’ebé la’o ho Kapítulu Jerál nia lia-menon, Maromak bolu FMA sira ba foin-sa’e sira, no FMA sira nia dalan santidade la halo ketak maibé hamutuk ho foin-sa’e sira. Ho sira mak ita tenke sai boot no buras, ho sira mak FMA sira “sai misionária esperansa no ksolok nian”.

Hanesan Madre Yvonne ko’alia iha festa gratidaun mundiál ne’e, “Ita hotu tenke seguru katak Na’i kuda ita iha fatin ida rai nian no iha tempu ida istória ema nian atu entrega mai ita knaar ida.  Se Nia kuda imi, (Bolivia oan sira], iha rai ne’e, iha tempu ne’e, difisil, maibé furak, ne’e atu imi bele fó funan no fó fuan iha nia… Ai-funan furak atu haree, maibé se nia la fó fuan nia la dura kleur ida no sei husik de’it nostaljia no saudade; se nia nakfilak ba fuan, nia habosu no hametin, harii futuru o futuro… tebes duni ho nia fini bele sai ai-hun foun ida”.

Foin-sa’e sira ho modu partikulár, tenke husu ba sira-nia an sá loos mak Maromak nia mehi ba sira, iha-ne’ebé mak Nia hakarak sira. Ne’e mak xave ba moris ksolok. Iha ne’ebá mak ita sei buras no nafunan!