Feto la’ós mane nia kriatura, maibé Maromak nian
RV – Amu-Papa Francisco iha nia katekeze semana ne’e nian (22 Abríl 2015) kontinua ko’alia kona-ba komplementariesade entre mane no feto. Iha katekeze ne’e nia enfatiza katak feto la’ós mane nia réplika (imitasaun) ida.
Amu-Papa esplika katak, ho ilas bíblika Adaun nia knosen, ne’ebé Maromak foti atu halo Eva, la signifika feto nia inferiodidade – nia la’ós mane nia réplika – maibé, espresa resiprosidade entre sira, Feto la’ós mane nia kriatura, maibé Maromak nian.
Maibé, diabu mai tenta sira atu sai kbiit-na’in no lori sira atu dezobedese Maromak. Salan ne’e mak halakon armonia ne’ebé eziste entre sira, hodi hamosu deskonfiansa, divizaun, prepoténsia, hanesan istória hatudu.
“Ita hanoin, porezemplu, exesu negativu sira kultura patriakál nian. Ita hanoin forma wain maxismu nian, iha ne’ebé feto hetan konsiderasaun nu’udar klase daruak. Iha instrumentalizasaun no merkantilizasaun feto nia isin nian iha kultura mediátika atuál”.
Papa Francisco mós ko’alia kona-ba ema “epidemia” ohin nian katak “ceticismo” (laran rua-rua) to’o ba opozisaun ne’ebé habelar iha kultura, ho modu espesiál , ne’e mosu tanba feto sira ho sira-nia esperiénsia moris nian, liha deskonfiansa kona-ba aliansa posivel di’ak ida entre mane no feto. Ba Papa Francisco, hodi la valoria aliansa ida-ne’e, umanidade mak lakon, no oan sira sai hanesan ema lahó abut. “Ita presiza onra família”, Amu-Papa hateten.
