Rádio Vaticano – Bento XVI kontinua ninia katekze iha Tinan Fiar nian, dedika ba fiar. Pergunta nia fó ba ema rihun 25 iha Prasa S. Pedro durante audiénsia jerál mak katak sá fiar , iha mundu ida iha-ne’ebé siénsia no tekonolojia loke orizonte foun maibé “parese la halo ema buras tan iha liberdade” no iha-ne’ebé mosu “forma barak esplorasaun nian, violénsia nian no injustisa nian”, rai-fuik amaran espirituál ne’ebé habelar ba beibeik. Dala ruma, eventu sira ne’ebé ita rona husi notísia loroloron halo ita sente katak mundu la projeta an atu harii komunidade fraterna no dame nian; ideia sira progresu no moris-di’ak nian hatudu ninia lalatak nakukun sira”. 
Iha mundu ida ne’ebé husi sorin ida iha kultura ne’ebé “eduka ita atu book an de’it iha orizonte sasán nian, posivel nian, atu fiar de’it buat ne’ebé ita be;e haree no kona ho liman, maib´eiha sorin seluk, iha aumentu iha númeru ema sira nian ne’ebé lakon orientasaun no, buka atu hakat liu realidade orizontál”.

Asesu kópia ho lia-portugés

“Iha kontestu ida-ne’e, kestaun fundamentál ruma mosu: Sá loos signifikadu moris nian? Iha futuru ba ema, ba ita, ba jerasaun abanbainrua? Ita tenke dirije ita-nia hilin liberdade nian ba ne’ebé atu bele hetan moris susesu no ksolok nian? Sá maka hein ita hakat liu tiha mate?” Pergunta sira ne’e hatudu katak la to’o planu, halo kálkulu loos no esperimentu sira… Siénsia importan ba em aia moris, maibé la to’o. “Ita presiza la’ós de’it paun materiál, ita presiza domin, signifikadu no esperansa, fundamentu metin. Rai sólidu atu tulun ita moris ho sentidu auténtiku maski iha momentu krize nian, nakukun nian, difikuldade sira no problema loroloron nian..”
Fiar mak fó buat ne’e: fiar maka konfiansa iha “Ó” ida, katak Maromak, ne’ebé fó mai ha’u serteza ida, ne’ebé la’ós hanesan kálkulu ezatu ka siénsia fó. Fiar la’ós de’it fó “sín” ba Maromak nia lialoos sira, ne’e hahalok ida iha-ne’ebé ha’u saran ha’u nia an ho liberdade ba Maromak ne’ebé Aman no hadomi ha’u, katak adere ba “Ó” ida ne’ebé fó esperansa no laran-metin”.
“Fiar katak hasoru “Ó” ida-ne’e, domin indestrutivelida ne’ebé la aspira de’it eternidade, maibé fó nu’udar prezente; fiar katak saran an ba Maromak ho atitude labarik ida nian, ne’ebé hatene katak ninia difikuldade hotu, ninia problema hotu sai seguru iha inan nia “Ó”. No posibilidade salvasaun nian ida-ne’e  liuhusi fiar maka prezente ida Maromak oferese ba ema hotu. Ha’u hanoin ita tenke meita barak liután – iha moris loroloron, karakteriza ho problema sira no dala ruma situasaun trájika sira – katak fiar sarani signifika abandona an iha konfiansa ba sentidu kle’an ne’ebé suporta ha’u no mundu, sentidu ne’ebé ita labele fó ba ita nia an rasik, maibé simu de’it nu’udar prezente, fundamentu ba ita atu moris lahó ta’uk. No ita tenke iha kbiit atu proklama serteza libertadora no rekonfortante mai husi fiar liuhusi liafuan no hatudu iha ita-nia moris nu’udar sarani”.

Hotu tiha katekeze Amu-Papa fó sai mós kata iha loron 24 Novembru, vijília solenidade Kristu-Liurai nian sei iha “Consistório”  atu kria kardeál foun na’in neen. Sira-ne’e: Dom James Michael Harvey, Prefeitu “Casa Pontifícia”, ne’ebé Bento XVI sei nomea hu’udar Arsipreste Basílica Papál San Paolo Fuori Le Mura; Sua Beatitude Béchara Boutros Raï, Patriarka Antiokia Maronita sira-nian (Líbano); Sua Beatitude Baselios Cleemis Thottunkal, Arsebispu-Mor Trivandrum Síriu-Malankareze sira-nian (Índia); Dom John Olorunfemi Onaiyekan, Arsebispu Abuja nian (Nigéria); Dom Rubén Salazar Gómez, Arsebispu Bogotá nian (Colombia); no Dom Luis Antonio Tagle, Arsebispu Manila nian (Filipinas).

“Kardeál nia knaar maka tulun Pedro nia susesór iha ninia ministériu atu konfirma maun-alin sira nia fiar no sai prinsípiu no fundamentu unidade no komuñaun nian iha Kreda. Ha’u konvida hotu-hotu atu reza ba eleitu foun sira, hodi husu intersesaun Bem-aventurada Virjen Maria nian, atu sira bele hadomi ho korajen no dedikasaun Kristu nia Kreda”.