Palla (Sumba-Indonesia) – Atu prepara an ba Festa Páskua nian, komunidade FMA no SDB plano hamutuk atu hala’o retiru ba foinsa’e sira husi Parokia Palla nebe irma FMA hela no Weepangali nebe SDB hela, ho motivu katak sira beletroka hanoin ba malu no mós bele kria amizade nian. Haree katak foinsa’e sira ho entusiasmu boot hodi partisipa iha retiru ne’ebé hala’o dia 21-22 Marzu iha madre sira nia komunidade.

Tema retiru mak “komunikasaun”.  Komunikasaun sai prioridade iha ema nia moris katak komunikasaun ho Maromak no komunikasaun ba ema. Bainhira laiha komunikasaun ne’e katak laiha moris. Iha retiru ida ne’e  padre uza metode animasaun ho jogos oioin ne’ebé halo foinsa’e sira mak sai protagonista iha retiru ne’e. Iha kalan, hala’o  Taize no  foinsa’e sira  entre sira espresa sira orasaun ho sentimentu oioin, balun tanis hodi hasae sira nia orasaun, reza ba sira nia inan aman/familia no mós husu perdua ba sira nia-an rasik ne’ebé dala ruma hakanek  Maromak no hakanek sira nia familia no kolega sira.

Retiro remata ho misa hamutuk iha parokia ne’ebé anima husi foinsa’e sira ne’ebé tuir retiro no P.Andre Delimarta, SDB mak selebra iha misa.