Husi komunidade FMA Fuiloro

Iha loron Segunda (16 Marsu 2015)  ami komunidade Madre Madalena Morano Fuiloro  hein ho fuan haksolok simu Irmán Alma iha ami nia leet . Irmán no menina kolejiu sira simu madre ho tradisaun tara tais ho knananuk  no dansa Benvinda nian ba Irmán Alma  ne’ebe sai nudar Inan ne’ebe mai vizita nia oan sira iha rai doben Fuiloro.

Iha provinsiál nia vizita ida nee nia hasoru Irmán sira iha komunidade, foin-sa’e Kursu Computador no Costura,  animadór/a sira husi Fuiloro tomak, Profesora sira, kolaboradór/a sira,  Infánsia Misionária sira no ikus nia ba vizita padre Salesiano sira iha komunidade Don Bosco Fuiloro.

Iha provinsiál  nia hasoru malu ka enkontru ho Animadór/a  sira, nia fahe ho animadór/a  sira kona ba liafuan no signifikadu  “ ORATÓRIU” . Letra ida-idak iha ninia signifikadu mak hanesan:

 O =PROJETU,  R=ORASAUN, A= AMIZADE, T= KATEKEZE, O=JOGU, R=GRUPU, I= ANIMADOR, U=MUZIKA

Atu sai animadór/a ne’ebe di’ak  presiza liuliu  elementu/karakterístika  sira ne’ebe iha signifikadu hanesan temi ona iha leten. Ho elementu sira nee bele tulun animadór/a  sira atu sai ema ne’ebe hatene fó moris ba ema seluk  hanesan papa Francisco dehan iha nia liafuan sira.

Madre nia vizita ikus ba komunidade iha loron 21 Marsu 2015, ne’ebe taka ho misa agradesimentu ba Maromak ba di’ak hotu ne’ebe Nia haraik mai ami nia komunidade ho prezensa Irmán Alma nian.