Iha liturjia Domingu V Kuarezma nian, nalian ho insisténsia, Maromak nia preokupasaun atu hatudu ba ema dalan salvasaun nian no vida definitiva nian. Maromak nia Liafuan garante ita katak salvasaun liuhusi moris ida ne’ebé rona ho atensaun Maromak nia projetu sira no iha doasaun/saran an totál ba maluk sira.

Iha leitura dahuluk, Jahwéh aprezenta ba Israel proposta ida Aliansa foun nian. Aliansa ne’e implika katak Maromak muda Povu nia fuan, basá ho fuan ida ne’ebé nakfilak de’it mak ema iha kapasidade atu hanoin, deside no atua tuir Maromak nia proposta sira.

Leitura daruak aprezenta mai ita Jezús Kristu, amlulik-boot Aliansa foun nian, ne’ebé solidariza An ho ema sira no hatudu dalan salvasaun nian. Dalan ne’e (Jezús rasik nia dalan) hala’o hodi moris iha diálogu ho Maromak, iha deskoberta ninia dezafiu no proposta sira, iha obediénsia radikál ba ninia projetu sira.

Evanjellu konvida ita atu hateke ba Jezús, atu aprende ho Nia, atu tuir Nia iha dalan domin radikál nian, iha don moris nian, iha saran an totál ba Maromak no maluk sira. Dalan krús nian, iha mundu nia matan, mak dalan ida frakasu no mate nian; maibé husi dalan domin no doasaun ne’e mak suli mai moris loos no rohan-laek ne’ebé Maromak hakarak oferese mai ita.

Download