Horisehik iha komunidade FMA sira Provínsia TIN halo tiha selebrasaun konkluziva ba aprofundimentu vitál Konstituisaun sira-nian no dokumentu própriu Institutu FMA nian kona-ba votus sira. Komunidade ida-idak haklaken sira-nia konviksaun rezultadu husi estudu ne’ebé hala’o durante tinan pastorál 2011-2012. Selebrasaun ne’e liuliu nu’udar agradesimentu ba grasa fidelidade ne’ebé Maromak haraik ba FMA, fahe ba momentu tolu: momentu rekonsiliasaun nian atu husu perdua ba ita-nia infidelidade sira ba Maromak, momentu hahi’in nian nu’udar agradesimentu ba prezente vokasaun nian no momentu kompromisu nian, katak promesa atu moris tuir konviksaun sira deskobre durante estudu.

Tuirmai ne’e konviksaun husi komunidade ruma.

 

Komunidade Santa Teresa d’Ávila-Baucau

• Ho Profisaun relijioza, kesi an ho voto, FMA halo ninia rasik, moris kasto, kiak no obediente ne’ebé Jezús hili ba nia An rasik no Maria hakohak ho dedikasaun tomak no haraik-an.

• Hodi Espíritu Santu nia kbiit, ita saran ita-nia an ba Maromak, Ida no Tolu, hodi sai sasin kona-ba Ninia unidade no komuñaun.

• Nu’udar membru Kreda nian, ita saran an tomak hodi sai sinál Kreda nia uniaun ho Kristu, nia kaben. Ita rekoñese Kreda nu’udar mediasaun ba Maromak nia hakarak no ita halo nafuan ba umanidade foun ida.

• Hodi hatán ba Aman Maromak ho fuan tomak no livre, ita fó disponibilidade totál atu serbí foin-sa’e sira liuhusi edukasaun integrál

• Profisaun konsellu evanjéliku dada ita ba liberdade auténtika, halo ita rekoñese Maromak nia ílas iha ema ida-idak, hodi promove ema nia dignidade no kultura, atu kultura ida ne’e serve duni ba ema nia an nu’udar ema iha moris pesoál no sosiál.

 

Komunidade Maria Auxiliadora-Venilale

“Hodi Espiritu Santu nia kbiit ami saran-an tomak ba Kristu ne’ebé kastu, kiak, obediente, hodi  haklaken Maromak Nia domin ba foin-sa’e sira iha Institutu no iha Kreda.”

 

Komunidade Maria Mazzarello-Venilale

• Ita-nia vokasaun sei sai profesia ba umanidade se ita hatudu iha ita-nia moris rikusoin uluk nian katak Maromak nune’e de’it mak ita bele sai sasin kredivel ba foin-sa’e sira.
• Fuan ne’ebé tau abut kle’an no metin iha domin ba Jezús sei tulun  ami atu harii relasaun  nu’udar bin-alin ne’ebé auténtiku, transparente, livre no sinseru.
• Moris Eukaristia ne’ebé intensu maka kondisaun  saran-an  totál no fiel ba Maromak Nia Projetu.
• Maria Inan Tulun-Nain, gia, akompaña ita-nia dalan vokasionál atu ita-nia moris tomak bele simu   Kristu ne’ebé   puru, pobre no obediente Ninia atitude sira.
• Objetivu ne’ebé ita-nia asaun edukativa buka atu kumpre mak: akompaña foin-sa’e sira hodi ajuda sira atu dexerne Maromak Ninia projetu ba sira-nia moris.

 

Komunidade Madre Morano-Fuiloro

Ami konvinsida katak: Vokasaun maka don no grasa Maromak nian ne’ebé haraik ba ami ida-idak. Ne’ebé hametin no haburas iha Sakramentu rekonsiliasaun no komunaun: we-matan moris nian ne’ebé habiit ita-nia fidelidade ba MAROMAK NO BA EMA konkretiza iha moris komunidade no iha misaun  hodi fó sasin loos iha relasaun auténtika diálogu no sinseridade iha komuñaun.

 

Komunidade Laura Vicuña-Laga:

“Hateke ba Maria nu’udar ita-nia  modelu edukadora nian, tau Kristu nu’udar sentru ba ita-nia morsi hodi fó sasin kona-ba  ninia domin preventivu ba labarik no foin-sa’e sira ne’ebé presiza liu  iha ita-nia misaun ba Kreda no sosiedade”.

 

Komunidade Eusebia Palomino-Dili:

“Unidas pelo espírito de família, na oração e na missão para a glória de Deus e o seu Reino”.

 

Komunidade Divina Providénsia Dili:

“Ami, komunidade Divina Providénsia, rekoñese katak, domin ba Jezús Kristu maka motivasuan loos atu moris no fó sasin kona-ba kastidade, pobreza no obediénsia iha mundu ohin-nian”.

 

Komunidade S. José-Dili:

“Ami konvensida katak vokasaun “FMA” nian maka prezente murak husi Aman Maromak no resposta ida ba Nia hodi tuir Kristu kastu, kiak no obediente, hodi Espíritu Santu nia kbiit, ne’ebé halo ami tama iha Kristu nia mistériu no halo ami partisipa iha nia misaun salvasaun nian, ho Maria nu’udar Gia, Mestra no Tulun-Na’in”.

 

Komunidade S. João Bosco-Dili:

“Ami konvensida katak domin rafikál ba Kristu, liuhusi kosellu evanjéliku kastidade, pobreza no obediénsia, asegura Maromak nia domin mai ami ho motivu ida-ne’e, ami kompromete an atu la’o tuir Kristu ho liberdade no fidelidade, hamutuk ami dedika an totál ba Na’i nia misaun salvasaun”.