RV – Relasaun entre feton-naan mak tema katekeze Papa Francisco nian iha kuarta 18 Fevereiru, iha Prasa S. Pedro. Amu-Papa kualifika relasaun ne’e nu’udar buat ruma forte no troka-laek, but ruma ne’ebé tenke kultiva no tau iha sentru sosiedade nian.

Download

Entre feton no naan sira mak ema aprende konvivénsia umana: família mak introdús fraternidade iha mundu, Papa Francisco dehan. No ida-ne’e sai nabilan ho modu espesiál bainhira ita bele haree pariénsia no domin ba feton no naan ne’ebé frajil liu.

“Maun/naan” no “biin/feton” mak liafuan ne’ebé kristianizmu hadomi liu, Amu-Papa fó hanin, hodi destaka katak ligasaun fraterna soi fatin espesiál iha Maromak nia povu nia istória. Nia fó hanoin katak Jezús halo sai kompletu esperiénsia umana sai maun nian, hodi hakat liu tali família raan nian no diferensa tomak.

“Bainhira ligasaun fraterna sobu, nia loke dalan ba esperiénsia terus nian, konflitu no ódiu nian”,  Papa Francisco dehan hodi fó nu’udar ezemplu pasajen bíblika ne’ebé ko’alia kona-ba Caim no Abel. Ohin-loron mós, sei iha família sira iha-ne’ebé naan no feton sira istori malu ba buat ki’ik-oan sira, hirus malu tan eransa no ida-ne’e ladi’ak.

“Fraternidade mak ida boot, imi hanoin bá katak maun/biin-alin hotu horik iha inan hanesan niia knotak ba fulan sia, mai husi inan nia isin no labele halo kotu fraternidade”.

Santu Padre harohan ba família hotu ne’ebé terus tan naan no feton sira ne’ebé hirus malu, hodi husu Maromak nia tulun atu bele harii hikas relasaun entre sira, basá fraternidade labele rahun.

Molok taka katekeze, Papa Francisco husu minutu ida silénsiu nian atu ema ida-idak hanoin ninia maun/biin-alin no harohan ba nia. Ho orasaun ida-ne’e, tuir Amu-Papa, sira bele simu bensan.