Venilale – Ohin, loron 15 fulan fevereiro 2015, Oratorio 4 husi Komunidade Maria Auxiliadora (Lia-Oli, Badu-ho’o, Wai-bu’a no Orfanato Sao Domingos Savio) celebra hamutuk loron Karnaval no iha okaziaun hanesan sai nu’udar “Abertura Oratorio” 2015 nian. Tema ba loron karnaval ne’e mak “Hadomi Natureza hodi hahi Kriador”. Oratorianos sira, jovens labarik no animadores hamutuk ho irmans sira no Pre-aspirantes, observantes OV hala’o atividades ho ksolok no entuziazmu. Oratorianos husi fatin ida-idak hatais roupa husi sasan natureza nian hodi lao mai konsentra iha uma adatParokia Sagrado Coracao hodi hili Liurai-Feto no Liurai-Mane natureza nian. Amu Paroko, Pe. Avelino Guterres, SDB., ofisialmente loke Oratorio no fo “buongiorno” sai nu’udar juri ba eventu ne’e. Manan-nain husi Oratorio Lia-oli ne’ebe hatais costume natureza ne’ebe uniku no furak tebes. Aleinde ne’e, iha mos jogus oioin nebe animadores ida-idak prepara ona. Remata ho Liafuan diak husi Ir.Esmeralda, FMA nudar superiora komunidad nian nebe agradese ba kolaborasaun entre FMA- Animadores-kolaboradores sirane’ebe oferese sound system, enerjia, inisiativa no ksolok liuliu hatudu “fuan oratoriano” hanesan Don Bosco halo ih aninia Oratorio iha Turin. Molok hafahe malu, animadores centro oratorio 4 prepara merenda (katupa, budu, xha, ect) hodi fahe ksolok no domin hamutuk.