Sínodu maka fatin interkámbiu no konfrontu nian kona-ba esperiénsia pastorál oioin iha fatin lahanesan mundu nian, hodi hanoin sá loos mak dalan signifikativu liu atu bele fó proposta korajoza Evanjellu nian.

Durante Kongregasaun Jerál, padre Renato Salvatore, superór jerál Camiliano sira nian hateten katak Kreda maka “komunidade ida ema sira-nian ne’ebé hetan tiha kura husi Na’i sai fali komunidade ne’ebé kura”, hodi salienta katak Kristu “médiku klamar no isin nian”, oferese saúde no maksoin ba ema “iha ninia dimensaun hotu: isin, psike no espíritu”. “Evanjeliza tiha an rasik – Dom Gérald Cyprien Lacroix, arsebispu Québec nian, iha Canada hatutan – ita simu bolun atu evanjeliza ho aten-barani no audásia sarani dahuluk sira-nian”.

 

Maibé iha modu konkretu sá loos bele hala’o asaun evanjelizadora, se “ba kontemporáneu barak – denunsia kardeál Joachim Meisner arsebispu Kohln (Jermánia) parte modernidade nian maka la iha interese ba  kestaun relijioza sira?”  Tuir bispu Honduras nian Dom Juan José Pineda Fasquelle, komunidade parokiál maka tenke mantein “estadu ida misaun permanente nian”, konvensidu katak nia “reprezenta idamatan ba tranzmisaun fiar nian no esperiénsia ekleziál, sentru irradiasaun no testemuñu vida sarani nian, fatin atu buka lialoos, habiit fiar nian, komunikasaun mensajen nian, komunidade ne’ebé moris ksolok Espíritu nian naleinde sede misaun nian”.  Bispu Vietnam nian Joseph Vu Duy Thong hanoin katak importante “hanoin afetivamente ho Kreda universál no hala’o efetivamente iha Kreda lokál” ho programa pastorál ida di’ak “konserteza sei fó fuan ne’ebé bele haburas komunidade parokiál”.

Tuir Dom Yves Le Saux, bispu Le Mans nian (Fransa), “presiza barani ko’alia kona-ba Maromak, hafanun iha ema nia fuan nostaljia ba Maromak” no fiar nia tranzmisaun uluknanai liu “husi ema ba ema”. Nune’e  papél desizivu família nian: ba bispu vietnamita Joseph Nguyen Nang “inan-aman sira maka katekista dahuluk”. Tuir bispu Opus Dei nian, Dom Javier Echevarría, bispu no amlulik sira tenke sai “mestre santidade nian”. “Klaru katak Kreda la redús ba ajénsia sosiál ida – kardeál Robert Sarah, prezidente Potifísiu Konsellu Cor Unum releva –, maibé dezafiu maka lori filafali, liuhusi obra karidade nian, ba Maromak ne’ebé karidade”. No bispu husi Arjentina Dom Jorge Eduardo Lozano enkoraja atu tau iha sentru atensaun pastorál nian ema kiak sira no emarjinadu sira, iha sira-nia oin maka ita haree “Kristu nia oin terus nian”.

Importante mós atensaun ba omelia sira no tuir Dom Tadeusz Kondrusiewicz, arsebispu Minsk nian (Bielorussia), uza “potensialidade media nian (…) atu tulun ema hetan Kristu no moris iha lialoos”.

Padre Robert Francis Prevost, priór-jerál Agostiniano sira-nian, artikula katak kona-ba media ohin loron maka paradoksu tebes ida. Imajináriu ohin nian kona-ba fiar relijiozu no étika mass media maka fó forma ka modela, liuliu televizaun no sinema, ne’ebé hamosu interese boot  iha públiku kona-ba  krensa no prátika sira iha kontraste ho EvanjelluMisaun loos Kreda nian maka  halo ema sira koñese “natureza mistériu nian nu’udar antídotu kontra  espetákulu sira”.

Prezidente Pontifísiu Konsellu ba Kultura, kardeál Gianfranco Ravasi, evidensia katak “iha kultura kontemporánea iha sikun barak ne’ebé evanjelizasaun labele evita”: ida linguajen nian, orizonte sekularizasuannian, iha ne’ebé “Átriu Jentiu sira-nian serbisu bá”, arte no kultura juveníl ho sira nia esperiénsia sosializasaun nian hanesan prátika desportiva no rekursu konstante ba múzika, no ikusnian mundu siénsia no téknika nian. “Hasoru inkompatibilidade entre siénsia ni fiar no hasoru ida-nia podér sobre ida seluk – kardeál sujere – presiza substitui ho rekoñesimentu resíproku ba ida-idak nia estatutu epistemolójiku: siénsia dedika ba “sena”, katak fenómenu, enkuantu teolojia no filozofia tau atensaun ba “fundamentu”. Distinsaun maibé, la’ós separasaun ka eskluzaun resíproka, tanba sira sai úniku no komún iha objetu estudu nian, katak “ser” no “existir”. Ba finalidade ida-ne’eindispensavel siálogu lahó arrogánsia no no la hodi konfunde nivel sira no abordajen espesífika sira”.

“Oinsá bele evanjeliza sira ne’ebé hetan kanek kle’an husi ema sira Kreda nian envolve iha abuzu seksuál?”. bispu Brian Joseph Dunn (Caanada), nian husu. Nia fó sujestaun, ida maka oportunidade rona nian no dixernimentu komún atu komprende terus nia profundidade, hirus nia kle’an no deluzaun mai husi eskándalu ida-ne’e”.