Dili – Iha loron sábadu, 6 Outubru, iha komunidade S. José, Comoro ka Novisiadu, aluna na’in 13 husu Escola Secundária S. Pedro, tuir enkontru vokasionál dahuluk iha tinan ida-ne’e. Ho entuziazmu no ksolok, sira hatudu sira-nia hakaran atu deskobre Maromak nia projetu ba sira-nia moris hodi halo esperiénsia orasaun nian no formasaun sarani.  Iha atividade dahuluk ne’ebé sira halo, ho espontaneidade, ida-idak esprime nia mehi ba futuru.

 

Maromak nia liafuan ne’ebé gia maka “Ha’u bolu ó ho ó-nia naran. Ó ha’u-nian. Ó folin boot iha Ha’u-nia oin no Ha’u hadomi ó” (is 43, 4), liafuan ne’ebé ida-idak repete to’o imprime iha nia neon no fuan. Ho pasajen ida-ne’e irmán Cecilia tulun sira atu komprende katak ema ida-idak mak úniku tanba Maromak iha planu ida ba nia. Hodi realiza planu ida-ne’e, ema sei hetan ksolok no moris rohan-laek. Irmán Ermelina Gomes, superiora komunidade nian, kumprimenta sira no konvida sira atu entrega sira-nia an ba Na’i-Feto ne’ebé Inan hodi husik Nia akompaña sira.

Tuir sira-nia hakaran, enkontru ne’e sei kontinua hala’o iha sábadu loraik, semana daruak no dahaat, katak fulan ida dala rua.

Husi redasaun fmatin.org, konvida feto-raan ne’ebé iha interese atu deskobre ninia vokasaun ba abanbainrua, bele mai halo esperiénsia ida-ne’e. Fatin? Komunidade Novisiadu FMA, besik Centro de Formação João Paulo II, Comoro, Dili.Tempu: semana daruak no dahaat.