Fuiloro – Iha fulan Janeiru nia laran komunidade Maddalena Morano simu aluna foun ba kursu Administrasaun / Computador hamutuk na’in 68 husi Distritu Lospalos, Maliana, Baucau, Manatuto, Same no Dili. Menina ne’ebé tuir kursu Kostura hamutuk na’in  5. Sira ne’e mai husi distrito Maliana no Baucau. Menina eskola Agríikula ( SPP) hamutuk hamutuk na’in 29.

Komunidade hasoru menina ho oin ne’ebé foun tanba sira hotu ba dala uluk  moris hamutuk iha koléjiu nia laran.

Tinan nee bele dehan katak menina sira mesak foun tanba eskola Agríkula iha tinan ne’e hahú fila fali ho tinan dahuluk (klasse I), menina husi kursu no mós Eskola Agríkula hotu –hotu foin mak hahú moris iha koléjiu nune’e sira presisa tempu atu tama iha ita-nia ambiente edukativu nudar saleziana.

Iha fulan Janeiru sira hahú koñese ambiente sira  liu-liu aprende Typing molok tama ba Computador, sira ne’ebé suku aprende ho pontu krús .

• Iha loron dahuluk ne’ebé bolu loron orientasaun ba menina sira hodi koñese ambiente no uza sasán sira ne’ebé iha komunidade laran.
• Tuir mai sira mós koñese sasán sira iha fatin kursu nian hahú husi sala estuda, sala computador, sala costura no  sala Internet)
• Loron ikus nian sira halo limpeza jerá

 Sira hahú sira nia Typing iha loron 19 Janeiru ho professora Maria Doutel Sarmento no Ir. Armenia Menezes, FMA.

Menina sira entuziazmu liu atu aprende datilografia maski susar liu ba sira tanba toos maibé sira hotu haka’as an atu apredende ho lalais, tanba sira aprende ida ne’e ba fulan ida mak sira sei kontinua ho programa Computador no lisaun jerál ne’ebé hola parte ba área Administrasaun.