Editoriál: Tempu atu agradese no husu bensan

IIha tempu ida atu kuda, tempu atu fokit, tempu atu hamnasa no tempu atu tanis, tempu atu soi no tempu atu lakon, tempu atu ko’alia no tempu atu nonok, tempu atu hamutuk no tempu atu haketak malu….
Na’i de’it mak tempu nia na’in no Nia mak kaer ita ida-idak nia tempu, iha Ninia providénsia matenek nian rezerva ba ema ida-idak tempu propísiu ida ne’ebé sai kairós, tempu salvasaun nian. Iha tinan 26 nia laran, ami haree mak milagre ida. Ami-nia mehi sai realidade ho prezensa misionária FMA na’in tolu dahuluk iha Timor ho Ir Paola Battagliola iha ulun.
Oras-ne’e, Na’i iha planu seluk ba Ir Paola liutiha KJ 23… Kontinua sai misionária ba kampu boot liu – mundu –iha fatin hotu ne’ebé iha prezensa FMA sira-nian.
Ami hakarak esprime ami-nia gratidaun ba ita, Ir Paola,“maibé ami husu “keta haluha rai doben ne’e, rai ne’ebé simu no hahoris ó nu’udar misionária tuir Don Bosco no Madre Mazzarello nia mehi. Rai ne’ebé sai ó-nia kampu dahuluk… rai ne’ebé kiak maibé rai-isin ba fini Maromak nian kari ho estilu salezianu.
Sira ne’ebé ó kuda fini, tau matan, no gia, la haluha di’ak hotu sira simu, la haluha ó-nia hanorin sira uluknanai husi ó-nia sasin rasik no akompaña ó-nia misaun foun ho orasaun halo hasuli husi Lalehan, Na’i nia bensan hotu ba ó no husi ó ba ema hotu ó sei hasoru”.

FMATIN -TATOLI