Dili – Ohin kalan, irmán Maria del Carmen Canales fó mós tempu minutu 10 atu hasoru fon-sa’e sira iha Divina Providénsia ba “bonoite salezianu”, tradisaun uma salezianu hotu nian. Sira maka feto-raan no mane-klosan sira ne’ebé serbisu iha Centro de Formação João Paulo II, iha Mazzarello Bakery no iha Mazzarello Sewing, no mós estudante universitária na’in tolu.

Iha ninia liafuan sira, nia agradese foin-sa’e sira ne’e ninia servisu ne’ebé halo atu bainaka hotu ne’ebé mai sente ema simu sira no serví sira ho di’ak. Irmán Maria mós husu ba foin-sa’e sira-ne’e atu hanoin kona-ba sira-nia moris, sira-nia projetu ba vida: sá loos maka Maromak hakarak ba sira nia vida. Nia dehan ba sira atu hilimoris kaben nian ka vida relijioza ka empeñu seluk, presiza iha dixernimentu, nune’e, konvite ba sira atu buka ema atu gia sira, akompaña sira; iha uma ne’ebé sira-nia iha irmán sira bukahakbesik atu tulun sira.

Iksunian, nia fó “TPC” (trabalho para casa) ida ba sira atu hakerek: “serbisu nia signifikadu maka sá loos mai ha’u?”. Nia husu sira atu hakerek no haruka ba nia atu bele fahe ho foin-sa’e sira iha mundu tomak liuhusi space for the young/spazio giovani website cgfmanet.org nian, website Institutu FMA internasionál ho sede iha Roma. Nu’udar rekordasaun nia fó ilas Maria Ausiliadora nian ne’ebé bele lori iha bolsu, hameno ba sira konfiansa ba Nia no bolu Nia iha momentu difikuldade no perigu nia laran.