Dili – Bazeia  ba   Decreto Lei  n^o   23/2010  de 9 de Dezembru   husi ministerio da Edukasaun Nasional ho ninia objetivu atu kumpriende  no haklean koñesimentu kona-ba  GESTÃO  DE COMPORTAMENTO A DISCIPLINA POSITIVA E AS METODOLOGIAS ESPECIFICAS DA EDUCAÇÃO PRE-ESCOLAR E DO 1⁰ E 2⁰ CICLO DO ENSINO BÁSICO. Nune’e professores husi Pre-eskolar hamutuk ho Ir. Teresinha Belo nu’udar koordenadora ba halo formasaun hamutuk iha eskola Farol. Professores husi 1,2,3 Ciclo halo formasaun iha eskola rasik.

Nune’e iha dia 15 (loraik)-18 professores hotu halibur hamutuk atu halo formasaun iha eskola. Formasaun ida ne’e kaer direitamentu husi Ir. Zelia Lemos  Matos nu’udar diretora da eskola no irm. Virgilia Gaio nu’udar adjunto. Orario ba hahú  husi dia 15 de Dezembru  horas tuku : 14:30 to’o -17:00 no dia 16, 17, 18 loron tomak.

Método  ne’ebé uza  mak :

• Perguntas ne’ebé fó  hanesan maneira Gestão sala de aula, jere sala de aula,  método, rotinasaun, regras de aula, direito labarik sira-nian, iha preparasaun ba “eskola foun”.
• Perguntas tuir mai ne’ebé hanorin sira atu hatan mak hanesan: formasaun hotu ne’ebé professores sira halo Vale ba se? Serve ba se? Uza ba saida? No selu seluk tan.
• Grupo
• Animasaun
• Avaliasaun

Nune’e depois de formasaun, professores sira halo avaliasaun hamutuk, hotu-hotu sente kontetente no aproveita didi’ak   tanba liu tiha tinan barak foin mak primeira vez  ministério da Edukasaun fó fiar ba eskola privada rasik   atu halo formasaun ho sira nia monitorizasaun. Professores sira husu  atu haklean fali  temátika hirak ne’e durante tinan escolar 2015  ho tempu hanesan bele mós aplika metodo foun ne’e,  jestaun ba sala de aula,   no mós fahe grupo tuir materia  ne’ebé hanorin; hanesan  grupo Ciências Naturais, grupo Ciências Socias,  matemática, lingua no religião, tanba iha 1⁰, 2^0, Siclo iha profesores da turma ho tempu hanesan iha mós   profesores materia nian, nune’e bele  iha uniformidade entre materia-sira   husi turma ida ba turma seluk, tanba kada  classe  iha turma tolu no professores lahanesan mak hanorin, to’o momentu ida-ne’e kada professor/a hanorin tuir cúrriculu maibé ida-idak la’o ninian.

Loron ikus dia  19 professores  hotu hamutuk ho sr. Zelia no sr. Olga halo avaliasaun badak kona-ba kriteria pasajen da classe  ho professores, sasaun, no fahe kargu de orario, kumprimenta malun Natal kmanek 2014 no Tinan foun 2015 Nakonu ho ho Santidade. Ate dia 9 de Janeiro se mak Maromak hakarak.