Liturjia Domingu ikus Adventu nian fó sai hodi repete kona-ba projetu moris nakonu no salvasaun definitiva ne’ebé Maromak oferese ba ema. Husi kedas Testamentu Tuan mak projetu ne’e fó sai tiha ona no sai realidade konkreta ho Jezús nia Inkarnasaun.

Leitura dahuluk aprezenta Maromak nia “promesa” ba David. Maromak haklaken, liuhusi profeta Natn nia ibun, katak Maromak sei la abandona nia Povu no sei la deziste atu lori nia ba ksolok.  “Promesa”  ne’e sei konkretiza ho David nia “oan-mane”, no liuhusi nia Maromak sei oferese ba nia Povu estabilidade, seguransa, dame, abundánsai, fekundidade, ksolok rohan-laek.

Leitura daruak hanaran projetu salvasaun ne’e “mistériu”, no liuliu, garante katak projetu ne’e iha Jezús, manifesta ba povu hotu, atu umanidade tomak integra iha Maromak nia família.

Evanjellu refere ba momentu iha-ne’ebé Jezús halo an ba ema iha istória ema sira nian, atu lori ba sira salvasaun no vida definitiva, ne’ebé bele sai posivel de’it se ema sira ne’ebé Nia bolu hatán “sin” ba Maromak nia projetu, simu Jezús no aprezenta Nia ba mundu.

Download