Dili – Loron 1 Dezembru 2014 iha Ensino Básico Maria Auxiliadora estudante na’in 66 ho tinan6 remata sira-nia tinan aprendizajen iha Pre-escolar no passa ba 1⁰ iclo – 1^oano. Iha edader kmanek loron ne’e depoizde udan iha loraik, patio eskola Maria Auxiliadora nian nakonu ho ai-matak ne’ebé fresku no furak pronto atu fó boasvindas ba aman ho inan, no familiár pre-eskolar nian ne’ebé mai atu partesipa oan sira-nia Graduasaunnu’udar DOUTÓR – ABC.

Iha seremonia ida ne’e marka mós prezensa senhora Gilberta Baio nu’udar kordenadora interino ba pre-eskolar nivel Nasional ho Ir Ermelinda Gomes Vigária provinsiál FMA. Ir Zelia L.Matos nu’udar diretora ba eskola prontu atu simu ema hotu.

Ir Teresinha nu’udar koordenadora foun ba pre-eskolar Maria Auxiliadora nian hamutuk ho professora na’in 3 prontu ona ho estudante sira ho sira-nia kapa no xapeu atu hahú marxa ho Inu graduasaun nian, ne’ebé tuir mai hatutan Inu Nasionál ne’ebé graduadu/a sira mak hananu, hafoin tuir ho tara tais ba bainaka na’in 2, orasaun husi graduada, diskursu sira, dansa, drama foto hamutuk hafoin remata ho re-eskrisaun.

Lia-menon Ir Olga Belo ba estudante sira no aman inan sira:”Parabens ba imi hotu DOUTÓR ABC…. Hein katak imi aproveita didi’ak tinan ida-ne’e hodi dezenvolve imi-nia neon, liman, kriatividade, imajinasaun… no aspetu hotu motóriku… Parabéns ba imi, nune’e mós ba ama-ninan doben sira, ami hein katak imi kontinua akompaña imi-nia oan sira, atu iha kontinuasan entre eskola no familia se lae buat hotu ne’ebé sira aprende ihaeskola sei lakon leet de’it. Hanesan Don B osco dehan: “labarik ho tinan-nurak mak tinan di’ak no apropriadu atu eduka sira, tanba sei inosente, simples, no dependente, nune’e fasil atu ita eduka sira”… se lae bainhira boot ona ita sei tanis tanba la biban atu eduka sira. Nune’e, aman-inan doben sira, mai ita servisu hamutuk atu eduka ita-nia oan sira atu sira bele sai labarik nofoin-sa’e ne’ebé nakonu ho domin no responsabilidade ba an rasik, ba família, sosiedade no nasaun. Dala ida tan parabéns ba imi”.