Liturjia Domingu I Adventu nian konvida ita atu haree ita-nia dalan iha istória iha serteza katak “Na’i mai”. Liturjia aprezenta mós infdikasaun konkreta kona-ba forma moris iha tempu hein nian.

Leitura dahuluk  apelu dramátiku ida ba Jahwéh, Maromak “aman” no “makso’ik”, iha sentidu katak mai dala ida tan hasoru Israel atu liberta nia husi salan no atu hafoun Povu ida ho fuan foun. Profeta la iha dúvida: Maromak nia esénsia mak domin laran-sadia; Maromak nia “kualidade” mak garantia ninia intervensaun salvadora iha ain-hakat hotu Maromak nia Povu nian.

Evanjellu konvida dixípulu sira atu enfrenta istória ho korajen, determinasaun no esperansa, iha serteza katak “Na’i mai”. Ni ahanorin tan, katak tempu hein mak tempu ida “vijilánsia” nian” – katak, tempu ida kompromisu ativu no efetivu ho konstrusaun Reinu nian.

Leitura daruak hatudu Maromak prezente iha istória no iha komunidade  fiar-na’in nia moris, liuhusi don no karimza sira ne’ebé ho gratuidade nia haraik ba Ninia  Povu. Leitura mós husu fiar-na’in sira atu mantein atentu no vijilante, atu simu Maromak nia don sira.

Download