Venilale – Loron daneen vizita irmán Maria Carmen Canales aleinde lori nia atu hasoru foin-sa’e sira iha Baucau, fó ba nia posibilidade atu haree foin-sa’e sira estudente iha escola Técnico-Profissional Hotelaria e Turismo (ETP-HT) St.Maria Mazzarello Venilale no labarik sira orfanatu Venilale nian.

 

Estudante ETP hamutuk 147 feto no mane fó benvinda ba irmán Maria ho knananuk, dansa no liafuan di’ak sira. Irmán Maria agradese profesór/a 16 ba sira-nia servisu edukasaun nian no enkoraja sira atu fó kualidade formasaun. Ba estudante sira nia husu sira atu aproveita didi’ak oportunidade formasaun nian hodi tau hamutuk aprende atu sai ema loos no aprende atu halo/téknika. Iha nia liafuan sira ba FMA komunidade nian nia husu atu sira fó formasaun kualidade nian: “Ema hanoin katak eskola profisionál ba sira ne’ebé la iha kapasidade estudu ka labele kontinua iha estudu universidade nian. Ne’e la loos. Se ita forma aluna no alunu sira ho téknika no haburas sira-nia kbiit kriativu no arte sira sei lori ne’e ba sosiedade”. Nia mós komunika katak iha enkontru eskola sira-nian iha Áfrika, Institutu foti kompromisu atu fó atensaun liután ba eskola/formasaun tékniku-profisionál, la’ós de’it tabna karizmátiku, maibé tanba urjénsia ida ohin. Institutu buka atu halo pasu husi “buka serbisu ba foin-sa’e sira ba sai produtór serbisu nian”, hanesan iha ita-nia provínsia TIN hahú ona halo.