Palla/Sumba (Indonesia) – Tempu Adventu no Natal nian besik daudaun ona, nune’e atu bele prepara an didiak ba tempu forte ida ne’e komunidade FMA no SDB halo retiru ba oratorianu sira husi estasaun 4 mak hanesan: Palla, Lingo lango, Weepewa no Kiku boko iha loron 15 Novembru.

Labarik sira ne’ebé partisipa iha retiru ne’e hamutuk 216 pessoa, sira ne’ebé tuir mak kelas 5 to’o SMA, ho tema “persahabatan dan relasi” (Sir.6:5-17,9:10). Iha leitura ida ne’e fó definisaun kona-ba sé mak belun/sahabat ne’ebé diak? Haktuir katak belun ne’ebé diak mak “memiliki kepribadian yang baik, sopan dan ramah akan memiliki banyak sahabat dan persahabatan juga dipengaruhi oleh cara kita bergaul dan menampilkan diri kita”. Labarik sira sente kontente no agradese ba padre no irmaun sira tanba halo anima moris/furak, no tulun labarik no foinsa’e sira atu hatene harii relasaun ne’ebé diak tuir valor Sarani nian.