Fuiloro – Ohin irmán Maria Carmen Canales halo esperiénsia la’o-rai nian hodi vizita komunidade Laga, hafoin hakat liu ba komunidade Fuiloro. Ninia mensajen ba foin-sa’e hotu maka nafatin mensajen esperansa nian atu halo sira nia moris buras ba beibeik, atu halo sira-nia moris haksolok hodi hakbesik ba Na’i ksolok nian.

Labarik no adolexente sira orfanatu Laga nian hatudu ksolok boot, atu simu vizita badak husi irmán Maria Carmen Canales. Iha ninia liafuan ba sira nia dehan katak fatin ne’ebé sira hela bá mak sira nia uma. Maibé uma presiza mahorik hotu nia kolaborasaun ba ninia konstrusan. No nia fó konsellu ruma oinsá atu harii uma, ne’ebé la’ós halo husi bloku ka tijolu eh fatuk, maibé husi: hadomu malu, tulun malu, reza ba malu, tau matan ba malu, kura atu moris sai buras ba beibeik.

Ba irmán sira nia enkoraja atu pratika duni Sistema preventivu tuir Don Bosco no Madre Mazzarello nia ain-fatin. Nia dehan ba irmán sira, labarik sira-ne’e karik fó problema eh sadik imi, maibé buka komprende sira” tansá sira hasai hahalok ka reasaun negativu sira. Ne’e maka oportunidade atu moris amorevolezza ka bondade. Bondade katak respeitu sira, komprende sira, hadomi sira no haree iha sira nafain pontu asesivel ba di’ak. Ha’u konvida imi atu halo bondade sai votu privadu ida”.

Parajen tuir mai maka komunidade Fuiloro, iha ne’ebé feto-raan 109 kursu sekretariadu-informátika no suku nian nune’e mós larista sira fó benvinda ho dansa festa kazamentu Kaná nian. Foti pist ahusi sira-nia benvida, irmán Maria del Carmen konvida sira atu iha sira-nia moris buka nafatin Jezús no Maria iha desizaun hotu sira halo iha sira-nia moris, moris kaben-na’in nian ka vida relijioza. Konvida Maria iha moris rasik tanba nia feto ida no komprende ita-nia presiza no Jezús tanba nia Maria nia oan ne’ebé bele haraik ksolok loos. Dezafiu  ikusnian nia husik iha bonoite, mak bainhira sira sai husi uma ne’e, sira bele kuda iha sira-nia dalan moris nian aifunan furak eh kualidade di’ak sira haburas iha  moris.