Dili – Eskola Maria Auxiliadora  mak eskola ida-ne’ebé  estudante sira ho tinan 10 – 14 hola parte ba Grupo Infáncia Missionaria desde eskola ne’e harii.  Adolexente hirak ne’e partesipa ativamente no nakonu ho entuziasmu. Ho tinan nurak de’it sira kumpriende saida mak atu sai missionaria/misionario entre sira.  Sira dehan molok sai missionaria/o uluk nanain tenki sai sarani ne’ebé di’ak no hatene sira nia obrigasaun rasik. Tan ne’e sira iha formasaun regular iha Domingo-domingo oras tuku: 8:30 dader hafoin ba partesipa Missa tuku 10:30.

Tinan  tinan iha fulan Outubru, grupo infáncia missionaria  unifika sira nia orasaun ho infánsia missionaria sira seluk iha mundo tomak hodi reza Rosario reza ba rai misaun ho tempu hanesan sira mós halo asaun de Karidade hodi  fó kontribuisaun husi sira nia “UANG SAKU”  no promove ba  Classe ida-idak atu hanoin rai missaun hodi fó  mós esmola.  Nune’e remata fulan Outubro estudante sira loke ida-idak nia kaixa hodi haree turma ida-ne’ebé mak barak liu sira sai nu’udar liurai feto ka liurai mane rai misaun nian. Iha tinan ida fulan Outubro Kolekta hotu hamutuk $ 896.72, no  2⁰ Classe turma A mak hetan kolekta ka osan boot liu total $ 71.45, tuir mai 6⁰ classe turma B ho $ 56.45, terseiro lugar 5⁰ Classe turma A $ 54.35 no sira seluk tuir  malu.

Dia  14 de Novembru eskola konvida Pe. Mouzinho Lopes, nu’udar diretora geral ba OPAM, hodi entrega sira-nia no oferta. Pe. Mouzinho kontente ho estudante sira no  agradese ba sira no dehan:” fulan Maio nia sei lori oferta ne’e ba Roma-Amo Papa hodi dehan osan ne’e imi nia oferta” no mós fo korajen atu kontinua ba oin hodi sai missionaria adolezentre  entre sira  hodi fó hanoin katak husi baptizmu  ita hotu sai sarani no mós simu knaar atu sai evanjelizador/a. Padre fó hanoin kedas dia 6 de Janeiro hodi selebra festa Liurai Na’in -3 nian, Infância/Adolecente Missionaria/o sei selebra festa ne’e hodi halo reflesaun no atividade oioin.