Dili – Tinan-tinan iha fulan Outubru   Ministério da Educação  dedika fulan tomak nu’udar Fulan Nasional ba Edukasaun hodi oferese atividade edukativa no desportiva. Nune’e iha tinan ida-ne’e  Eskola Básica Maria Auxiliadora  mós hetan oportunidade atu partiipa atividade balun ne’ebé minísterio da Edukasaun oferese hanesan hala’i marathon no KADI ESTUDANTE  sira nia KAKUTAK. Atividade dahuluk mak dia 25 hala’i  Marathon :”Xanana’s Internacional Marathon”. Husi eskola Ensino Básica Maria Auxiliadora Estudante nain-50 tuir Marathon ho kriteria rua: 1. Estudante ho tinan 10  halai 5 kms no ho 14 halai 7 kms. Husi Eskola Maria Auxiliadora  estudante : Neokita  Maria Dias husi Setimo ano, hetan 6 premio husi ema 2000 resin nia simu premio $ 40.00 no material eskola-nian  no estudante Jidanio Antonio Pinto Maiu husi  Sexto ano hetan 10 premio  hodi manan  $ 10.00 no material eskola nian.

Iha dia 1-14 de Outubru iha atividade edukativa hanesan, Kuiz, Diskursu, Leitura, Dansa kultura no Hananu, hahú husi nivel eskola, distritu hafoin compete iha nivel Nasional. Maibé tanba Ensino Básico Maria Auxiliadora simu noticia  iha dia 12, tarde ona,  nune’e la partiipa. Maibé  professor/a sira hamutuk ho FMA sira ne’ebé hanorin ho entuziamu boot deside atu halo atividade hirak ne’e iha dia 29-30 entre turma.  Tebes loron rua ne’e sai loron ne’ebé nakonu ho atividade no partiipasaun maximu husi professor sira ne’ebé  prepara Kuiz, diskursu, leitura, desenho, dansa no hino Nasional. Professors sira harii ekipa ba atividade  ne’e. Materia ba Kuiz mak material ba ezame nasional nian hanesan : matemátika, Lingua Portuguesa, Lingua Inglesa, Historia, geografia, Ciência naturais (Kimia, Fizika no Biologia). Estudante sira husi setimo no oitavo ano pronto atu compete entre turma A ho turma B maski preparasaun badak liu. Tebes nia rezultadu fó satisfasaun boot ba professores no estudante sira. Konkursu ne’e sai oportunidade di’ak atu estudante sira estuda maka’as liután.