Konselleira ba Família Saleziana:  Ir María Luisa Miranda

Ir María Luisa moris iha Puebla (Messico) iha 1951. Iha ninia família iha alin feto na’in rua tan ne’ebé sai, hanesan nia ‘Figlie di Maria Ausiliatrice’, no maun ida. Nia hetan lisensa iha Literatura Española, no ih atina dahuluk sira ninia vida relijioza, dedika ninia enerjia no domin ba foin-sa’e sira nu’udar profesora iha eskola pré-sekundária.

Hafoin nia kaer kargu hanesan Diretora eskola nian, Konselleira Lokál, Koordenadora Pastorál edukativa iha ekipe inspetoriál. Nia hetan nomeasaun Doretora komunidade nian iha períodu tolu no asume knaar Inspetora ba Inspetoria “Mater Ecclesiae”, ho sede iha Monterrey, husi 1993 ba 1999. Ba tinan ruma nia hela iha família atu asiste nia mamá: buat ne’e tulun nian atu ih akontaktu ho realidade mori sloroloron nian no loke an ba vizaun luan no besik liu ba realidade laikál. Iha períodu hanesan nia iha posibilidade atu hakbesik ba Antiga/u aluna/u sira no grupu seluk, hodi akompaña sira iha sira-nia kreximentu iha fiar liuhusi retiru sira, Lectio divina, enkontru pesoál sira.

Nia moris esperiénsia oioin pregasaun Ezersísiu Espirituál nian no kursu formasaun ba FMA sira, ba profesór/a sira sekola saleziana nian (FMA no SDB), espesialmente kona-ba tema sira Sistema Preventivu nian no Espiritualidade Saleziana. Nia hetan konvite atu partisipa nu’udar relatora iha Knferénsia sira, enkontru estudu nian ba aman-inan no profesór/a sira. Enkuantu nia Animadora komunidade San Giovanni Bosco iha Saltillo (México), durante Kapítulu Jerál 2008, ne’ebé nia prezente nu’udar delegada Inspetoria nian, Asembleia hili nia nu’udar Konselleira Família Saleziana nian.

Iha tinan neen nialaran nia anima Ámbitu ho dedisaun nakonu no laranluak, hodi hatudu kapasidade atu favorese komuñaun no enfrenta ho intelijénsia Ámbitu nia kompleksidade. Iha Kapítulu Jerál XXIII, Asembleia Kapitulár rekonfirma nia ba seséniu daruak. Bainhira simu mandatu husi Madre Jerál, Ir Maria Luisa afirma: «Madre, ó hateten mai ami katak semana ne’e mak semana fiar nian. Iha fiar ha’u aseita. Ha’u konfia ho modu partikulár iha Maria: nia tulun ha’u atu fó oin femininu no marianu ba Família Saleziana».

Konselleira ba Misaun: Ir Alaíde Deretti

Nia mai husi família ida rezidente iha Massaranduba (Santa Catarina – Brasil iha-ne’ebé nia moris iha 25 Abríl 1950. Husi ki’ik kedas nia frekuenta Institutu Nossa Senhora Auxiliadora Rio do Sul nian (Santa Catarina) no iha-ne’ebá nia halo nia estudu sira.

Halo tiha votus, nia foti lisensa iha Pedagojia ihapresso Pontifícia Universidadeà Católica de Porto Alegre. Nia kompleta nia estudu sira hodi frekuenta iha tinan 1985-1987, Kursu Espiritualidade nian iha Pontificia Facoltà di Scienze dell’Educazione Auxilium (Roma).

Nia iha esperiénsia barak animasaun nian nu’udar profesora Diretora, Sekretária no Konselleira Inspetoriál, to’o hetan nomeasaun nu’udar Inspetora provínsai N. S. Aparecida Porto Alegre (1993-1999). Iha ninia servisu nia matan moris atu tau matan liuliu ba vida espirituál irmán sira nian, atu hakle’an espiritualidade saleziana, kria komuñaun entre membru sira komunidade edukativa nian, atu asegura kualidade ba misaun entre foin-sa’e sira.

Ema otimista, ho kapasidade ba diálogu, haksolok no respeitoza ba ema seluk nia mistériu, ninia prezensa entre irmán sira, foin-sa’e sira, labarik sira nafatin marka ho ksolok no simplisidade nian.

Ba tinan tolu nia sai Prezidente Konferénsia Interinspetoriál Brasil nian (CIB).

Nia mós hala’o knaar Sekretária ezekutiva Konferénsia Relijiozu/a sira Barasil nian (Rejiaun Súl).

Nu’udar delegada Inspetoria Porto Alegre nian ba Kapítulu, nia partisipa iha faze preparatória ba KJ XXI nian (2002), hodi kolabora iha Komisaun pré-kapitulár. Kapítulu ne’e oferese ba nia mandatu Konselleira Vizitadora nian. Surante tinan neen nia vizita Inspetoria hitu Amérika Latina nian, rua Europa nian no rua Áfrika nian.

Iha KJ XXII (2008), Ir Alaide fó niia disponibilidade ba votasaun asembleia nian ne’ebé bolu nia atu anima Ámbitu ba Misaun ad gentes.  «Hodi tuir ó-nia ezemplu – nia dehan ba la Madre ne’ebé interpela nia – ha’u dehan ha’u-nia sin atu sai dixípula misionária, basá susar ba ha’u se ha’u la evanjeliza’ ».

Ninia dalan animasaun Ámbitu nian prvilejia área tolu animasaun nian, formasaun nian, kooperasaun misionária no fronteira misionária foun sira hodi halo nia an sai peregrina iha rai sira misaun nian. Iha seséniu nia dezenvolve prosesu sira ne’ebé hahú molok no loke prosesu foun, ho modu partikulár kona-ba sensibilizasaun no formasaun misionária, iha sinerjia ho Ámbitu seluk no ho ‘Dicastero’ SDB.

DuranteKapítulu Jerál XXIII asembleia rekonferma mandatu ba seséniu daruak. Ir Alaide, hatán ba La Madre nia konvite. Nia aseita hodi afirma: «Iha fiar ha’u simu manifestasaun kona-ba Maromak nia vontade. Ha’u tau ha’u-nia an nu’udar instrumentu iha Maromak nia liamn no ha’u haka’as an atu kontinua sai dixípula misionária iha mundu nia fuan, iha Institutu».