Konselleira foun  Formasaun nian: Ir Maria Nieves Reboso Padrón

Moris iha Santa Cruz de Tenerife – Insp. Canarie (España) il 27 Outubru 1952. Tama iha Institutu Figlie di Maria Ausiliatrice, dedika an ba hanorin. Hafoin hetan tiha bakalaureatu iha Teolojia no tuir kursu Espiritualidade Saleziana iha Fakuldade ‘Auxilium’ iha Roma, nia asume knaar animasaun nian iha komunidade oioin ninia Inspetoria nian. Nia frekuenta Kursu Formasaun ba diretór ezersísiu espirituál iha Universiada Salamanca nian no simu knaar akompañamentu nian: ba dala rua iha Projetu Mornese iha lian Españól;  diresaun kursu ezersísisu espirituál ba irmán sira no ba foin-sa’e sira; akompañamentu ba aspirante no postulante sira.

Iha períodu ne’ebé nia sai Koordenadora inspetoriál Formasaun nian, nia koosredana kursu formasaun permanente ba FMA sira España no Amérika Latina nian iha Sanlúcar la Mayor. No tuir mai sai Koordenadora Inspetoriál ba Pastorál Juveníl.

Nia hetan nomeasaun Vigária Inspetoriál, no husi 2009, Inspetora ba Inspetoria ”Maria Auxiliadora” ho sede iha Sevilla.

Nia eleita ba Konselleira ba Formasaun durante Kapítulu Jerál XXIII. Bainhira nia fó nia resposta adezaunnian ba la Madre  nia pergunta, Ir Nieves afirma: “Ha’u aprende husi Madre Mazzarello ati dehan SIn,maski liu mós ha’u-nia kbiit. Tan ne’e ha’u dehan Sin”.

Konselleira ba Pastorál Juveníl: Ir Maria Teresa Cocco

Moris iha Isili – Nuoro (Italia) 5 Janeiru 1957, koñese FMA sira no frekuenta ho badinas ortóriu bainhira nia família transfere ba Busto Arsizio, iha Lombardia. Nia vokasaun moris bainhira haree irmán sira ne’ebé saran an tomak ba Maromak iha foin-sa’e sira. Tam aih aINstitutu Varese nian, tempu ne’ebá hola parte ba Inspetoria “Madonna del Sacro Monte”, kompleta nia estudu universitáriu ho lisensa iha Língua no Literatura Moderna no dedika an ba hanorin iha Eskola ‘Magistrale’ iha Varese. Bainhira Asosiasaun VIDES moris, nia asume knaar Delegada ba Lombardia no kaer knaar ne’e to’o tinan 2013. Nia sai asistenete aspirante sira nian ba tinan htu no, husi 1995 to’o 2004, sai Mestra novísia nian iha ‘Noviziato interispettoriale dell’Italia settentrionale’ iha Contra di Missaglia.

Hafoin nia asume knaar Konselleira Pastorál Juveníl nian bainhira hahú Inspetoria Lombardaia foun “Sacra Famiglia” no kolabora ho Salezianu sira iha diálogu ho Kreda diosezana sira. Durante tina 8  nia hala’o servisu Konselleira Pastorál Juveníl nian, nia mós sai membru Komisaun Pastorál Nasionál. Nia halo parte mós ba ‘Commissione riflessione Europa’. Liutiha períodu ida animasaun nian iha komunidade Metanopoli (Milano), nia simu nomesaun Inspetora nian no hahú nia kargu husi fulan Agostu liubá.

Bainhira La Madre husu se nia aseita mandatu nu’udar Konselleira Jerál, Ir Maria Teresa hatán: “Ba ha’u misaun ne’e boot liu ha’u, miabé ha’u fiar katak Espíritu Santu serbisu liuhusi Asembleia Kapitulár. Ha’u konfia iha Maria Ausilaidora ne’ebé sempre gia ha’u”.