Roma – Oras-ne’e FMA iha mundu tomak iha ona Vigária Jerál foun ne’ebé Kapitulár sira hili iha loron 25 Outubru: Ir Chiara Cazzuola. Ir Chiara moris iha Campiglia Marittima – Livorno (Italia) iha 1955. Ni ahusu atu halo parte iha Institutu FMA no tama iha Inspetoria Toscana “Santo Spirito” (tempu ne’ebá). Ninia formasaun inisiál halo iha Castelgandolfo (Roma) no iha 5 Agostu 1975, halo Primeira Profisaun.

Hotu tiha estudu iha Matéria Literária ba tinan barak sai dosente ino hafoin, Diretora Institutu sira Eskola Sekundária nian . Ba tinan barak nia mak delegada lokál no inspetoriál “Polisportive Giovanili  Salesiane (PGS)” no hatasak iha nia esperiénsia pastorál nu’udar Koordenadira Inspetoriál Pastorál Juveníl nian. Nia sai animador akomunidade hafoin konselleira inspetoriál. Ho unifikasaun inspetoria sira Emlilia, Ligure no Tosvana nian, nia integra iha Konsellu Inspetoriál ho knaar ba formasaun no oferese ninia kontributu efikás hodi privilejia dalan komuñaun nian, espiritualidade iha estilu simplisidade nian, respeitu ba ema no profundidade.

Iha 2007 nia hetan nomeasaun Inspetora ba Inspetoria emiliano-ligure-toscana Madonna del Cenacolo, ho sede iha La Spezia (ILS). KJ XXII (2008) hili nia nu’udar Konselleira Vizitadora no Ir Chiara fó ninia disponibilidade hodi afirma: «Iha espíritu abandonu nian ba Maromak nia vontade no hodi konfia iha Na’i nia tulun, ha’u dehan sin». Tinan neen liubá nia vizita inspetoria oioin iha Amérika no Europa no hariku nia ho esperiénsia salezianidade no interkulturalidade. Ba irmán ida-idak no ba realidade umana hotu, nia haraik prezente domin lahóv limite, otimizm, laran-di’ak, kapasidade atu hakohak fini sira moris no esperansa nian iha ema no eventu sira. Ema ne’ebé “klara” (hanesan nia naran chiara=klara) no entuziazta ba ninia vokasaun FMA nian, nia iha laran-manas boot ba foin-sa’e sira no esprime kapasidade ba relasaun franka, serena, kolaborativa.

Madre Jerál hili nia nu’udar Reguladora Kapítulu Jerál XXIII no iha-ne’e mak Kapitulár sira hili nia nu’udar Vigária Jerál, nune’e prtilla/fahe ho modu besik liu animasaun no governu ho Superiora Jerál. Ba La Madre nia pergunta depoizde votasaun: “Ó simu?”, nia hatán ho laran tuku-tuku maka’as: “Ha’u konfia iha Na’i no ha’u konfia iha Maria Ausiliadora. Tan ne’e ha’u dehan Sin!”.