Baucau – ” “Ho ksolok ita hai no agradese  ba Maromak ne’ebe tau matan no akompana ita durante tinan ida ne’e nia laran”. Ne’e mak liafuan ne’ebe animadores sira foti nu’udar liafuan chave ba atividades oratorio no infansia misionario nian ne’ebe hala’o hamutuk  iha tasi Wata-bo’o, iha loron 19 de outubro. Total labarik no foinsae sira husi orarorio Diwake, Teulale no infansia misionaria hamutuk nain 284 no iha mos inan-aman balun ne’ebe akompana nia oan sira.

Objetivo husi atividade sira ne’e mak :Tulun labarik no foinsae sira atu hatene agradese ba Maromak no hatene agradese ba malu. Liu-liu agradese no halo despedida  ho  sr. Terezinha; Selebra loron misaun nian hamutuk ho grupo infansia misionaria; Taka atividades oratorio no infansia misionaria ba tinan 2013-2014 nian.

Atividades ne’ebe halao iha tasi mak :

14:00        :  Bemvinda (to’o iha fatin), halimar livre, haris tasi.

15:00        :  halibur hamutuk no halo animasaun.

15:30        : Reza tersu misionaria ne’ebe anima husi sr. Albina no animadores sira husi oratorio no animadores sira infansia nian.

16:30        :   hatudu atraksi husi oratorio no infansia.

17:45        :  merenda hamutuk

18:00        :  reza hamutuk hodi husu deskulpa no agradese ba malu hafoin  fila ba uma.

 Atividade ne’ebe halao ho grupo infansia misionario no oratorio rua ( Teulale no Diwake) realiza duni  ho diak no ho susesu tamba iha kolaborasaun entre irma sira, animadores, foinsae, labarik no inan aman sira. Los duni katak iha mos falhansu ruma, hodi la realiza atividade balun tamba iha razaun ho tempu ne’ebe limitadu maibe ema hotu sente haksolok no esperiensia amizade diak entre grupo hotu-hotu ne’ebe halibur hamutuk.