Roma – Eventu boot rua ba Kreda universál marka Misa ohin nian ne’ebé Papa Francisco selebra iha Prasa S. Pedro, ho ema rihun hitunulu husi parte hotu mundu nian. konkluzaun Sínodu estraordináriu Bispu sira-nian kona-ba família no Beatifikasaun Paulo VI nian, eh Giovanni Battista Montini. Tanba don Espíritu Santu nian mak Sínodu realiza duni iha “liberdade loo sno kriatividade umilde”, atu bele “halakan esperansa iha ema barak lahó esperansa. Hafoin Papa Francisco agradese Paulo VI, ba ninia ministériu korajozu, matenek n o haree dook nian. Iha Angelus, Papa Francisco fó hanoin kona-ba Loron misionáriu mundiál ne’ebé selebra iha domingu ne’e.

“Fó ba Cesar buat ne’ebé Cesar nian no ba Maromak buat ne’ebé Maromak nian: ho fraze irónika no jeniál ne’e – Papa Francisco hateten iha omilia – Jezús hatán ba “provokasaun husi farizeu sira, ne’ebé hakarak halo ezame relijiaun nian ba nia no buka iha nia salan”:

“Ne’e mak resposta ida Na’i fó ba ema hotu ne’ebé tau problema konxiénsia nian, liuliu bainhira tau iha jogu sira-nia konveniénsia, sira-nia rikusoin, sira-nia prestíjiu, sira-nia podér no fama. No ida-ne’e akontese iha tempu hotu, nafatin”.

Fó ba Maromak buat ne’ebé Maromak nian, “signifika  rekoñese no profesa iha tipu naran de’it podér hotu nia oin katak, Maromak de’it mak ema nia Na’i”, signifika “loke an ba ninia vontade”, no “koopera ba Ninia Reinu laran-sadia nian, domin nian, dame nian”:

Ne’e mak novidade ne’ebé tenke deskobre loroloron, hodi manán ta’uk hotu hasoru surpreza sira. Maormak la ta’uk surpeza sira! Nia halo ita sai nafatin foun, no kontinua surprende ita, hodi loke dalan foun:

“Iha ne’e mak ita-nia forsa loos, fermentu ne’ebé halo massa sa’e no masin ne’ebé fó sabór ba esforsu umanu hotu kontra pesimizmu prevalente ne’ebé mudnu propoin mai ita. Iha ne’e mak ita-nia esperansa basá esperans aiha Maromak la’ós halai husi realidade” maibé: “hatán ho korajen, ba dezafiu foun sira”, hanesan akontese durante Sínodu estraordináriu, Papa Francisco subliña:

“Esperiénsia boot ida iha ne’ebé ami koko sinodalidade no kolejialidade, no ami sente forsa Espíritu Santu nian ne’ebé gia no hafoun nafatin Kreda ne’ebé simu bolun, lahó dada an, atu tau matan ba kanek sira ne’ebé raan suli no halakan esperansa ba ema barak lahó esperansa”.

Espíritu Santu ne’ebé tulun Sínodu atu “serbisu ho laran-luak no ho liberdade loos no kriatividade umilde:  sei “akompaña dalan ne’ebé, iha Kreda sira rai hotu nian”, “prepara ba Sínodu ordináriu bispu sira nian iha Outubru 2015 mai”.

Hafoin omenajen ba Paulo VI, ne’ebé ohin sai beatu, no memória ba ninia liafuan sira bainhira nia institui Sínodu bispu sira-nian, iha loron 15 Setembru 1965:

“…hodi fihir didi’ak sinál sira tmepu nian, ami buka atu adata dalan no métodu sira… ba nesesidade sira boot ba beibeik ita-nia tempu nian no mudansa sira kondisaun sosiedade nian…”

Giovanni Battista Montini, “Papa boot”, “sarani korajozu”, “apóstolu kolen-laek”; “ohin loron iha Maromak nia oin – Papa Francisco hateten – ita labele se la’ós hato’o liafuan ida simples liu maibé sinseru no importante”:

“Obrigadu, obrigadu! Obrigadu ami nia Papa Paulo VI doben ba ita-nia sasin umilde no profétika domin nian ba Kristu no ba Ninia Kreda!”

“Timoneiru boot” Konsíliu Vaticano II nian, Paulo VI hakerek iha ninia diáriu, katak karik Na’i bolu nia ba knaar ne’e la’ós atu nia governa eh salva Kreda husi difikuldade sira prezente iha tmepu ne’ebá, basá Maromak mak bele halo ne’e, maibé atu nia terus buat ruma ba Kreda.

“Iha umildade ne’e mak nabilan Beatu Paulo VI nia grandeza, ne’ebé hatene, enkuantu mosu daudaun perfíl sosiedade sekularizada  no ostílm lori ho sabedouria klarivedente – no dalaruma iha solidaun – timaun Pedro ni aroo nian, hodi la lakon ksolok no konfiansa iha Na’i”.

Misa remata, iha Angelus, Papa Francisco, hodi hanoin Loron Misionáriu Mundiál, fó hanoin kona-ba Papa Paulo VI nia apoiu kolen-laek ba misaun ad gentes ho Ezortasaun apostólika “Evangelii nuntiandi”, no ninia devosaun kle’an ba Maria Kreda nian ne’ebé bele haree husi ninia Ezortasaun apostólika “Marialis cultus” . Nia mós mak haklaken Maria Kreda nia Inan.