Formasaun profisionál: prepara no serve kafé “espresso”

 

Dili – Iha fulan Setembru ne’e nia laran, Centro de Formação João Paulo II, hahú kursu badak kona-ba “prepara no serve kafé espresu”. Treinadór maka Matthew Wilkinson, husi Australia. Kursu badak ne’e organiza durante oras 20 ho konteúdu hanesan tuirmai-ne’e:

 

• Organiza no prepara área servisu nian. Hotu tiha sesaun dahuluk aprendís sei aprende: Organiza coffee workstation; Dezenvolve preparasaun no rotina servisu nian; Kompleta mise-en-place no preparasaun ba coffee service; Rai kafé didi’ak (musan).
• Serve kliente no fó konsellu kona-ba kafé espresso. Iha sesaun ne’e aprendís hatene: Fó konsellu ba kliente kona-ba kafé nia tipu no karaterístika sira; Determina kafé ne’ebé kliente prefere no oferese mós buat seluk atu nia hili hamutuk ho nia akompañamentu.
• Hili no harahun kafé: Hili kafé loos no harahun tuir medida loos partíkula nian; Tau iha konsiderasaun ambiente no ekipamentu nia variasaun ne’ebé bele afeta doze ka medida, no adapta grind tuir nia.
• Hasai kafé been. Kompeténsia ne’ebé sei hetan: Hatene hili xikra ka kopu loos; Tau doze ne’ebé loos iha filter holder no hanehan/tamp; Hamoos group head molok hatama group handle; Monitoriza bee no pump pressure; Analiza tempu estrasaun no adapta bainhira presiza; Ho matan ezamina kualidade kafé been ne’ebé sai; Kontrola  kafé restu (puck) atu identifika adaptasaun nesesáriu ba doze; Husik bee tuun husi group head molok hatama group handle.
• Estrutura susu-been. Iha sesaun ne’e sei aprende atu: Hili susu-been loos no jarra apropriada; Hasai bee ne’ebé liu husi steam molok no depoizde estrutura susu-been; Estrutura susu-been tuir ninia tipu no kliente nia pedidu; Dulas susu-been atu kahur espuma ho susu-been nune’e bele hatudu konsisténsia; Prontu atu fui, lahó variasaun no konsistente tuir estilu kafé nian no kliente nia preferénsia.
• Serve no aprezenta kafé espresso: iha ne’e sei aprende aprezenta kafé ho modu furak uza xikra ka kopu serámika ka vidru nian; Serve kafé tuir temperatura loos no tuir kliente nia pedidu no estilu, ho crema apropriadu, susu-been nafurin no akompañamentu sira.
• Hamoos no mantein mákina espresso nian. Objetivu iha sesaun ne’e maka: Halo tuir rekerimentu ijiene nia prosedimentu kona-ba limpeza no manutensaun; Hamoos mákina nia parte hotu tuir espesifikasaun manufatura nian; Kontrola no ezamina mákina espresso nia operasaun no efisiénsia bainhira uza no foti asaun se presiza; Kontrola mákina nia parte sira ho modu regulár

Tipu kafé ne’ebé bele aprende maka: espresso, macchiato, long macchiato, cappucino, caffé latte, flat white, long black no mocha.

Ba sira-ne’ebé interesadu bele kontaktu “Centro de Formação João Paulo II” ka husik mensajen iha website ne’e nia parte hanaran “vizita”.