Iha gruta ka fatuk-kuak ida iha Igreja Natividade iha Belém nia parte leste, koñesida nu’udar “Milk Grotto” [Gruta susu-been nian). Gruta Susu-been iha Belém, hamutuk ho Bazílika Anunsiasaun Nazaré nian no Santuáriu Vizitasaun iha Ain Karem, mak santuáriu popular ba Virjen Maria iha Terra Santa.

Milk Grotto nia importánsia iha devosaun sarani siraa-nian, liga ho istória nu’udar Evanjellu Mateus nian haktuir (2,13). Bainhira anju mosu ba José, hodi Haruka nia atu halai ba EJitu hodi eskapa husi Erodes nia laran-nakali. Tuir tradisaun antiga liu, ne’e mak fatin ida mós iha-ne’ebé Maria para atu deskansa no fó han ba ki’ik-Oan Jezús: susu-been nia turuk ruma monu iha fatuk bainhira Na’i-Feto dó hela susu-been ba Jezús – halo fatuk nia kór muda ba mutin tomak.

Fatuk ne’e iha propriedade kura nian, liuliu ba feto sita ne’ebé susar atu ko’us. Husi sékulu VI mak kazál sira atu resolve sira-nia problema fertilidade nian, lori fatuk nia ahu mutin husi gruta iha saku ki’ik-oan sira, koñesidu nu’udar “susu rahun”.

Iha tinan 12 ikus ne’e – Frade franciscano sira, mahein Bazílika Natividade nain – fó sai katak sira simu surat liu 4.000 ne’ebé inan-aman sira ne’ebé konsege hetan oan  depoizde vizita fatin ne’e hakerek.

Defaktu, ohin loron mós, Milk Grotto  Belém nian hetan vizita husi kazál sira – sarani no musulmana – ne’ebé husu Na’i-Feto nia intersesaun atu iha oan nune’e mós atu hatene tau matan no eduka sira.

Devosaun ida-ne’e habelar iha Europa. Liuliu depoizde krizada sira fila husi Terra Santa, ho devosaun mariana hanaran “Na’i-Feto Susu-Been nian”  (“Madonna del Latte”).