Dili, 25 de Novembro de 2023.

Grupo OPIAM husi Paroquia Maria Auxiliadora no husi Escola Maria Auxiliadora, halo Camping iha Escola Maria Auxiliadora ho labarik hamutuk 128,  hamutuk mos ho professores balun, animadores no Ir. Luisa, FMA ho Ir. Laura, FMA. Tema ba sira nia aktividades ne mak “Mai konhese Jesus”. Molok atu ba haklaken Jesus ba ema seluk uluk knanai sira rasik tenke konhese se mak Jesus ne rasik. Nune wanhira sira too mai, animadores sira fahe sira ba grupo. Kada grupo halo rotasaun hodi ba visita fatin importante iha Jesus nia moris: Belem, Nazare, jordaun, deserto, nst. Depois de visita, sira halibur hamutuk iha gymn atu rona liafuan bemvindas husi ir. Suzana, FMA.

Depois de liafuan bemvinda sira ba prepara sira nia fatin toba no kontinua ho han kalan. Han kalan hotu Me. Alma, FMA hatoo liafuan boa noite no kontinua hodi reza terço ba paz iha mundo liu liu ba nasaun Palestina, Israel, Ukraina no Rusia. Ho ksolok no entuziasmo sira partesipa iha atividade sira hotu.