PARABÉNS DOUTORES ABC ESKOLA MARIA AUXILIADORA  TINAN 2023

Comoro, 18 Novembru, Pre Escolar B1 no B2 aluno hamutuk 93 ne’ebe ohin realiza sira nia graduasaun ba Doutores ABC nian ho seremonia simples ne’ebe marka prezensa husi Director  Edukasaun Municipiu Dili, Sr. Carlito da Silva, Madre Provinsial FMA , Madre Alma Castagna, Diretora Escola Maria Auxiliadora no Coordenadora ba Pre Ecola hamutuk ho inan Aman sira mak ohin  bele realiza festa ne’e ho ksolok no to’o remata ho diak.

Liafuan dahuluk husi Directora Eskola, Ir. Suzana Alves ne’ebe ho fuan tomak agradese ba edukadores Pre Escolar nian ne’ebe ho fuan bot eduka ona aluno/a sira ne’e, ikus mai sira hotu bele ona koñese letra no numeru sira ne’ebe sira aprende iha fatin ida ne’e.

Liafuan sira ne’ebe hato’o mos husi Director Edukasaun Munisipiu nian, Sr. Carlito da Silva  ne’ebe tebes fo korajen ba oan sira atu bele esforsa an liu tan ba matenek ne’ebe sira simu husi fatin ida ne’e,  sai bukae ida ba oin hodi estuda makaas liutan bainhira ba primeiro ano.

Iha mos lia fuan badak husi Madre Provinsial FMA, Madre Alma Castagna, ne’ebe dehan uluk nanain agradese ba inan aman sira nia konfiansa lori ona oan sira mai iha eskola ida ne’e. Agradese  ba profesores sira nia dedikasaun no mos ba sira ne’ebe serbisu iha fatin ida ne’e, favorese ona fatin mos ba oan sira.  Foti mos lia fuan tolu husi  Doutores ABC nudar fini diak ida atu prende liutan. Letra A dehan katak  Aten barani, B dehan katak Badinas, C dehan katak Colaborasaun. Bele dehan katak: Aten barani, badinas  no kolaborasaun mak savi susesu ba aluno ida.

Reprezentante husi Inan Aman Graduado sira nian, ne’ebe dehan: edukasaun hanesan ponte importante ida, sai hanesan ligasaun entre jerasaun sira no sai dalan atu hasoru futuru ho esperansa. Agradese mos ba Profesores sira nia dedikasaun tomak ne’ebe la kole atu eduka oan sira sai diak maski foun foun tama iha eskola ne’e, sira ladun hatene lee ka hakerek maibe ikus mai sira konsege  bele lee ho hakerek diak.

Inan aman nia espetativa mak hein nafatin husi  parte Edukasaun nian bele kolabora hamutuk ho Madre no edukadores sira atu kontinua loke tan espasu ba oan sira, hodi  loke tan eskola iha ne’e to’o Universidade. Espera ho Maromak nia grasa bele realiza.