Comoro, 9/9/2023

Moniz Libanha

Enkontru Irmán perpetua sira husi tinan 2011-2023

TAU MATAN HO LARAN MAUS NO AMOREVOLEZZA SALESIANA.

Ohin Ami Irmán perpetua sira grupu primeiru iha Timor no Indonezia via online, halo enkontru formasaun nian ida ho Ir. Sebastiana FMA no Ir. Cecilia FMA. Formasaun ne’e nu’udar kontinuasaun husi formasaun Gentilezza laran maus nian. Ohin loron Irmán nain rua lori Ami ba reflete kona ba tau matan ho laran maus no amorevolezza Salesiana.

Nu’udar Salesiana ita simu bolun atu kuda abut metin iha laran maus no amorevolezza. S. Francisco de Sales fo hanoin mai ita katak “laiha buatida ne’ebé forte liu hanesan laran midar no laiha buatida ne’ebé midar liu hanesan forsa Los. Laran midar Salesiana inspira husi Jesus ne’ebé laran midar no haraik-an. Nune’e mos ita nia fundador sira, Don Bosco iha mehi tinan 9 no madre Mazzarello iha visaun Borgo Alto hanesan tratu ida espiritualidade Salesiana nian, laran maus no amorevolezza.

Hahalok laran maus kontinua hafoun liu moris no hetan kura kanek indiferensia  nian no hahalok tau matan husi egoizmo. Ida ne’e mak tempu atu hafoun-an iha orasaun, moris komunidade no misaun.

Depoide reflesaun sira Ami halo sharing iha grupu ki’ik hafoin aprezenta iha asembleia kona ba moris laran maus no amorevolezza tuir Don Bosco no Madre Mazzarello.