“Haruka ba misaun”, Missa agradesimentu ba Finalista Institutu Siénsia Relijioza

A. Gabriel

Parókia Nossa Senhora Imaculada Conceição/Catedral-Dili, loron 5 Setembru 2023, realiza Missa agradesimentu ba Finalista husi Institutu Siensia Relijioza nian, São Tomas de Aquino (ICR), ne’ebé prezide husi Amu Vigáriu Jeral Pe. Graciano Santos.

Iha Omelia Pe. Graciano fó korajen ba finalista sira hodi dehan: “hateke ba Jezús modelu loos ba manorin nian, Nia iha de’it tinan tolu atu prepara nia eskolante sira ne’ebé ema simples maibé ikus mai sai hirak ne’ebé susesu no iha folin hodi haklaken buat ne’ebé sira simu husi Jesus”. Iha selebrasaun Eukaristia ne’e entrega mós ba sira Krús no Bíblia. Parabéns ba Ir. Felizarda, FMA ne’ebé ofisialmente remata ona nia estudu iha ICR.