26 Agostu

BEATU JOÃO PAULO I

 

Albino Luciani moris iha Canale d’Agordo, Dioseze Belluno, iha Veneto, iha 17 Outubru 1912; oan dahuluk husi Giovanni Luciani no Bortola Tancon, no sarani iha loron hanesan nia moris. Nia simu krisma iha 26 Setembru 1919, iha Pieve di San Giovanni Battista, no tuirmai Primeira Komuñaun husi padre Filippo Carli nia liman. Hodi ninia gia, Albino Luciani simu hanorin sira doutrina kristán nian no katesizmu Saun Pio X nian no hahú mestudu sira, hodi halo sai tasak ho tinan ki’ik de’it ninia vokasaun.

Iha 17 Outubru 1923 hahú nia dalan formasun iha semináriu menór Feltre. Liutih atinan lima nia tama iha Seminári Gregoriano iha Belluno ba estudu liseu , filozófiku no teolójiku sira. Remata nia itineráriu formasaun teolójika, iha-ne’ebé nia distinge an ba ninia don morál sira, kapasidade intelektuál no profeitu iha estudu sira, iha 10 Fevereiru 1935 simu ordenasaun diakonál. Iha 7 Jullu tinan hanesan simu ordenasaun saserdotál iha uma-kreda San Pietro iha Belluno, ho dispensa “pontificia super defectum aetatis”. Ninia ministériu dahuluk mak vigáriu-kooperadór iha Canale d’Agordo, no koajutór ba Mons Luigi Cappello iha Agordo. Períodu servisu nian iha parókia remata lalais de’it.

Amlulik joven iha Belluno

Iha outunu 1937, ho tinan 25, padre Albino simu obediénsia atu hala’o knaar vise-reitór Semináriu Gregoriano iha Belluno no tempu hanesan dosente iha klase liseu no teolojia nian, kargu ne’ebé nia hla’o ba tinan ruanulu. Nia dedika ba hanorin teolojia dogmátika no direitu kanóniku, no tuir nesesidade sira, nia sai profesór patrístika, litujia, arte sakra, katekétika, elokuénsia no administrasaun nian. Hamutuk ho atividade intensa didátika no edukativa iha mós publisista nian, ho badinas hakerek artigu sira ba semanáriu diosezanu “L’Amico del Popolo”, no animadór kulturál, hodi tau matan ba formasaun iha grupu juveníl balun. Iha 16 Outubru 1942, con una tesi kona-ba ordenasaun sira, nia hetan lisensiatura iha teolojia husi Pontificia Università Gregoriana. Iha Fevereiru 1947, ih aUniversidade hanesan, nia konsege doutoradu iha teolojia, ho tezi ida kona-ba “L’origine dell’anima umana secondo Antonio Rosmini”.

Iha empeñu sira ne’e hotu, iha mós knaar pastorál sira no liuliu responsabilidade diosezana. Iha Novembru 1947 bispu Girolamo Bortignon nomeia nia pró-chanceler espiskopál no nomeia nia sekretáriu Sínodu inter-diosezanu Belluno no Feltre nian, hodi konfia ba nia organizasaun sentrál. Iha 1948 nomeia nia nu’udar pró-vigáriu jerál no diretór eskritóriu katekétiku nian. Rezultadu husi empeñu iha ámbitu katekeze nian mak volume “Catechetica in briciole” (katekétika iha baluk-oan sira), tulun ida ba katekista sira-nia formasaun, ne’ebé imprime iha 1949. Susesór bispu Bortignon nian, mons. Gioacchino Muccin, konfirma padre Albino iha kargu sira hotu no iha 8 Fevereiru 1954 promove nian ba vigáriu jerál dioseze Belluno nian, hodi ikusmai noemia nia, iha 1956, kónegu katedrál nian.

Bispu iha Vittorio Veneto

Bispu Bortignon no bispu Muccin, ne’ebé hili nia ba kolaboradór besik liu iha governu dioseze nian, apoia nia ba kandidatura episkopadu nian. Iha 15 Dezembru 1958, iha konsitóriu dahuluk ne’ebé Papa Giovanni XXIII konvoka, mons. Luciani hetan aklamasaun nu’udar bispu Vittorio Veneto nian. Iha lorn 27 Dezmebru tuirmai nia simu konsagrasaun episkopál iha Papa nia liman iha bazílika San Pedro no iha 11 Janeiru 1959 nia tama iha dioseze veneziana.

Períodu iha Vittorio Veneto (1959-1969) sai etapa desiziva ba Mons. Luciani nia moris. Atividade pastorál ne’ebé nia hala’o intensa tebes no fú fuan fekundu. Nia moto episkopál ‘Humilitas’, ne’ebé uluk Saun Carlo Borromeu nian no nia hakarak imprime iha ninia brazaun hamutuk ho fitun tolu – símbolu fiar, esperans ano karidade – marka orientasaun konstante iha ezersísiu ninia minstériu episkopál. Ninia misaun nia hala’o ho intensidade hanesna iha nivel espirituál, karitativu no kulturál. Nia ne’ebé inklina ba diálogu no raronak, fó kedas prioridade ba vizita pastorál sira no ba kontaktu diretu ho sarani sira, hodi hatudu sensibilidade ba problema sosiál sira territóriu venezianu ne’ebé esperimenta pasajen epokál husi mundu rurál antigu ba indutriál modernu. Nia ezorta ho empeñu ba leigu sira-nia partisipasaun iha Kreda nia moris. Nia iha atensaun liuliu ba kleru nia moris, hodi favorese kolaborasaun entre amlulik sira, hodi dedika an ba kuidadu ba vokasaun sira noa ba amlulik foin-sa’e sira-nia formasaun. Nia enfrenta difikuldade sira governu nian ho fortaleza no serenidade. Nia distinge an liuliu iha pregasaun, hodi hatudu don komunikasaun nian kona-ba mensajen evanjéliku.

Durante ninia episkopadu, bispu Luciani partisipa iha sesaun haat hotu Konsíliu Vaticano II nian (1962-1965). Nia tranzmite hanorin no orientasaun konsiliár sira iha ninia diaseze ho klaridade no efikásia, liuhusi liafuan no hakerek sira. Esperiénsia ne’e iha efeitu seluk ne’ebé la’ós sekundáriu: enkontru sira ho bispu sira husi Mundu Datoluk estimula ninia interese ba misaun sira. Dioseze envolve an kedas no bispu haruka misionáriu sira ba Brasil no Burundi iha-ne’ebé, iha outunu 1966, nia rasik bá iha vizita pastorál. Konferénsia Espiskopál Triveneta haree buat ne’e, no empeña an ba beibeik iha redasaun dokumentu kolejiál sira.

Patriarka Venezia nian

Iha 15 Dezembru 1969 marka inísiu per’iodu foun iha Luciani nia moris. Paulo VI anunsia ninia nomeasaun iha sede patriarkál Venezia nuan no iha 8 Fevereiru 1970, nia tama iha ninia dioseze foun. Husi ne’ebá lakleur de’it Paulo VI manifesta dala ida tan ninia estima ba patriarka Venezia nian, hodi halo nia sai membru sira ho nomeasaun pontifísia Dínodu Bispu sira-nian iha 1971, ne’ebé Papa konvoka atu diskute tema sira saserdósiu ministeriál no justisa iha mundu. Iha 16 Setembru 1972, iha viajen ba Kongresu Eukarístiku Nasionál Udine nian, Papa Paulo VI halo vizita ba Venezia no fó onra ba patriarka publikamente, hodi impoin ninia estola rasik iha em alubun boot nia oin iha prasa San Marco. Iha 5 Marsu 1973 nia kria Luciani nu’udar kardeál. Ne’e mak sinál sira konsiderasaun nian ne’ebé Papa Montini manifesta, iha forma rezervada liu mós, ba patriarka Venezia nian.

Iha Konferénsia episkál italiana mós, figura Luciani nian hetan destake. Nu’udar prezidente Konferénsia episkopál triveneta, nia halo parte tuir direitu iha Konsellu Permanente CEI nian no iha  Juñu 1972 nia eleitu nu’udar vise-prezidente, kargu ne’ebé nia hala’o to’o Juñu 1975, bainhira nia husu atu la konfirma fali nia, nune’e bele dedika an ho empeñu boot liután ba ninia diseze. Nia sai eleitu dala ida tan atu reprezenta episkopadu italianu ba Sínodu IV iha 1977, dedika ba problema sira katekeze nian, ne’ebé oferese ba nian intervensaun luan kona-ba tema sira ne’ebé Luciani nafatin hasoru nu’udar espresaun kona-ba ninia paixaun kole-laek ba anúnsiu lia-loos sarani nian.

Iha Venezia mós Patriarka Luciani kontinua fiél ba abordajen serbisu nian no ba estilu pastorál ne’ebé nia hala’o iha Vittorio Veneto. Ninia estilu moris sóbriu ba kiak sira-nia benefísiu no atensaun ba moras sira, hamutuk ho temperamentu domin-na’in no nakloke ba diálogu, hlo nia manán povu venezianu nia simpatia. Nu’udar Patriarka nia la hamenus ninia apoiu ba traballadór sira Marghera nian, ne’ebé dalabarak envolve iha ajitasaun sindakál. Nia hala’o viajen oioin ba rai li’ur iha-ne’ebé nia hasoru komunidade sira emigrante italianu nian (Suisa, Alemaña no Brasil). Iha destake, iha tinan sira-ne’e mós nia prodús hakerek sira,. Ni apublika artíkulu sira ho tema ekleziál no atuál iha jornál “Gazzettino” no “L’Osservatore Romano” no seluktan.

Iha tinan difisil sira protestu sira-nian no tendénsia kós-konsiliár sira, Kard. Luciani ente urjénsia atu ho firmeza korrije erru doutrinál sira ne’ebé teólogu no profesór ruma semináriu nian habelar. Nia foti pozisaun ho modu klaru kona-ba aspetu oioin vida diosezana nian: husi kriasaun konsellu presbiterál to’o práitka litúrjika, husi formasaun klérigu sira-nian to’o utilizasaun amlulik foun sira-nian iha pastorál serbisu nian. Iha primavera 1974 nia intervein ho desizaun hasoru pozisaun ne’ebé FUCI diosezana foti kona-ba referendum divórsiu nian, hodi hatudu dala ida tan ninia gia firme iha adezaun ba komuñaun episkopál no fidelidade ba Papa. Ninia intervensaun sira kualifika nia iha nivel nasionál ba ninia sensu responsabilidade korajoza, tuir dalan tradisaun Kreda nian; nia hatudu responsabilidade no prudénsia iha ninia Kreda lokál no ninia sensus Ecclesiae hatudu ba Kreda universál.

Pontifikadu badak

Depoizde Paulo VI nia mate iha 6 Agostu 1978, Kard. Luciani husik Venezia. Iha 25 Agostu tama iha ‘Conclave’ no sábadu 26 Agostu 1978, iha eskritíniu dahaat, nia eleitu Papa no sai Papa,  Bispu 263º Roma nian, no nia hili atu foti naran rua João Paulo I, atu fó onra ba Papa na’in rua ne’ebé uluk ba nia. Iha 27 Agostu nia dirije rádiu-mensajen dahuluk ‘Urbi et Orbi’ no reza Angelus iha prasa Saun Pedro, hodi dirije ho modu familiár ba sarani sira hodi la uza plurál ‘maiestatis’.

Iha diskursu iha Sistina nia halo lista programátiku ninia pontifikadu nian no domingu 3 Setembru, hodi inaugura ninia ministériu bibi-atan aas liu ho marka hariak-an nian, nia aprezenta an ba sarani rihun ba rihun hodi husu tulun orasaun nian ba sira. Jestu dahuluk sira ninia pontifikadu nian halo haree kedas trasu orijinál estilu ida moris nian marka ho espíritu servisu nian no simplisidade evanjélika. Nu’udar modelu ministériu nian nia hakarak tuir ninia predesesór ilustre Saun Gregório Magno, iha ninia ofísiu mestre nian no iha ida gia no bibi-atan nian; nia banati tuir iha katekeze ne’ebé hatene adapt ba rona-na’in sira-nia kapasidade no Papa foun ne’e hatudu mós iha audiénsia jerál haat ninia pontifikadu nian. Hodi loke dalan ida iha istória katekeze nian, nia propoin hikasfali atualidade no beleza moris sarani nian bazeia ba virtude teologál sira: fiar, esperansa no karidade. Iha 6 Setembru, ba audiensia tolu kona-ba virtude sira, nia aprezenta uluk virtude umildade nian, Iha 27 Setembru nia remata ninia majistériu pontifísiu ho aidiénsia kona-ba karidade, hodi kontinua ninia hanorin to’o loron ikus, ho liafuan no moris. Iha kalan iha 28 Setembru 1978, depoizde loron 34 pontifikadu nian, João Paulo I mate derepente. Iha sinál karidade ida boot liu ba beibeik ba Maromak, ba Kreda no ba umanidade remata ninia pontifikadu badak maibé ezemplár. Nia isin mate hakoi iha Grotte Vaticane iha 4 Outubru 1978.

Prosesu kanonizasaun nian

Depoizde Papa Luciani nia mate, hahú to’o husi parte hotu mundu nian pedidu atu introdús kauza kanonizasaun nian ba bispu Belluno nian. Ho insiativa husi sarani sira – hahú halibur asinatura sira ne’ebé envolve nasaun sira seluk iha nivel internasionál, entre sira-ne’e Suisa, Fransa, Vanadá no EUA.

Iha 9 Juñu 1990, depoizde vizita “ad limina”, arsebispu Belo Horizonte nian, Mons. Serafin Fernandes de Araújo Sales aprezneta ba João Paulo II petisaun husi Konferénsia Episkopál Brasil nian (CNBB) ba introdusaun Kauza nian, ho asinatura husi bispu na’in 226: «Hodi konsidera katak Pontífise estintu husik hela “ain-fatin nabilan fiar no santidade nian” no katak, iha parte barak mundu nian, sarani sira ko’alia ona kona-ba grasa espesiál sira, ne’ebé sira simu liuhusi nia intersesaun kbiit-na’in… Nune’e, ho konfidénsia filiál mak ami parezenta ba Santidade pedidu introdusaun Kauza Beatifikasaun predesesór nian, ho memória santa no veneranda, João Paulo I».

Iha episkopadu mons. Vincenzo Savio (2001-2004) nian mak bele hahú investigasaun diosezana kona-ba João Paulo I nia vida eroíka no virtude no fama santidade nian. Iha Abríl 2003, Mons. Savio indika nu’udar Postuladór padre Pasquale Liberatore, salezianu. Hafoin nia husu Kard. Ruini, vigáriu Roma nian, konsentimentu hatu introdús prosesu la’ós iha Vikariatu Roma nian, sede naturál tuir kompeténsia, maibé iha dioseze Belluno-Feltre nian.

Depoizde hakerek ‘Positio’, iha 17 Outubru 2016 entrega nia ba protkól Kongregasaun Kauza Santu sira-nian. Iha Juñu kongresu teólogu sira espresa votu pozitivu. Iha 7 Novembru sesaun ordinária kardeál no bispu sira-nian fó votu pozitivu unánime ba rekoñesimentu virtude eroíka João Paulo I nian. Loron tuirmai, Papa Francisco autoriza publikasaun dekretu kona-ba ninia virtude eroíka sira.

Beatifikasaun

Iha 13 Outubru 2021 Papa Francisco autoriza Kongregasaun Kauza Santu sira-nian atu promulga dekretu kona-ba milagre ne’ebé atribui ba Papa Luciani nia intersesaun. Ne’e mak ain-hakat nakloke ba beatifikasaun, ne’ebé ema barak hakarak, no fó sasin kona-ba ninia fama santidade nian, ne’ebé la lakon ho tinan sira ne’ebé liu. Serimónia solene beatifikasaun nian iha fatin iha Roma, Prasa Saun Pedro iha 4 Setembru 2022.