MJS 2023 : “JOVEM COMO FERMENTO NA FAMÍLIA HUMANA DE HOJE”

Baucau-Teulale 10-13 Agostu 2023

Onesiana Baptista & Agostinha Magno FMA

Foinsa’e sira mai husi uma Salesiana Timor laran tomak, to’o iha Essa Baucau tuku 1:00-3:00, bem-vindos simu husi animador sira Baucau ho hino MJS. Tempu hanesan iha liafuan bem-vindos husi provinsial  padre Anacleto Pires SDB no ir. Alma Castagna FMA, hodi fo korajen ba foinsa’e sira, hafoin kontinua ho orasaun hodi halo esperiensia Moises nian. Ikus kontinua ho misa Abertura

Atividade ba loron 11: Loron espesial ba kongregista sira forum MJS, foinsa’e sira mai husi fatin oi-oin fahe-an ba 16 grupos, hodi tuir  formasaun séria kona ba tema 4:

• Espiritualidade Joven Salesiano: buat hotu nebe ita halo ninia objetivo mak lalehan. Elemento tolu nebe importante mak haksolok, halo diak ba ema seluk no Caridade.
• Lideransa Salesiana, uza razaun, reliziaun no domin
• Jovem democrática: modelu Jesus Kristu, ha’u joven ne’ebé protagonista? Se mak tulun ha’u?
• Métodolojia katekétika; oinsa fo Katekese iha oratoriu sira.

 Atividade ba loron 12: Palestra husi orador nain tolu: Sr.Joaquim & Sra.Bernadete ko’alia kona ba Foinsa’e autèntiku integridade. No Pe. Aderito ko’alia kona ba oinsa foinsa’e sira sai Fermento diak. Foinsa’e sira iha interese bo’ot ba tema rua ne’e. Sira husu perguntas ba orador sira. Iha lokraik Foinsa’e sira kontente partisipa iha jogos animados. Hafoin kontinua orasaun penitensál no taka ho orasaun Taizé.

Atividade ba loron 13: Hahu ho fahe esperensia husi joven sira ne’ebe ba partisipa direita Jornada mundial iha Lisboa. Sira fahe esperensia balun nebe kona kedas sira nia moris liuliu oinsa sai joven nebe hadomi Kreda ho aten brani. Tuir mai ho ksolok boot animadores sira simu Amo Bispo Dom Leandro Maria Alves Bispo da Diocese Baucau ho dansa kultura no hino MJS. Kontinua Missa prijide husi Bispo rasik. Iha homilia Bispo hateten ba foinsae sira katak: ” Keta tauk. Hau mak nee” nunee Foinsa’e sira imi keta tauk atu sai Fermento diak ba ema hotu. Hanesan Don Bosco dehan: brani atu sai sarani diak no sai sidadaun onesto. Remata missa iha almoço confraternidade hamutuk, ikus liu hasai foto no dahur hamutuk.