PAPA FRANCISCO NIA DISKURSU

«NOSSA SENHORA APRESSADA»

Capela das Aparições do Santuário de Nossa Senhora de Fátima

Depoizde rozáriu ho joven moras sira

Sábadu, 5 Agostu 2023

Ita harohan rozáriu, orasaun ida furak liu no vitál; vitál tanba tau ita iha kontaktu ho Jezús no Maria nia moris, No ita medita mistériu ksolok nian, ne’ebé fó hanoin mai ita katak Igreja labele sai buat seluk maibé uma ksolok nian. ‘Capelinha’ iha-neebé ita hasoru malu konstitui imajen furak ida Igreja nian: akolledora, lahó odamatan sira. Igreja la iha odamatan sira, atu ema hotu bele tama. No iha-ne’e ita bele insiste mós iha faktu katak ema hotu bele tama, basá ne’e mak Inan nia uma, no inan ida sempre iha fuan nakloke ba nia oan sira, hotu-hotu, hotu-hotu, hotu-hotu, hodi la esklui ema ida.

Iha títulu barak Maria nian, se ita hanoin didi’ak, iha tan ida-ne’e ne’ebé it amós bele dehan: Virjen «ne’ebé sai hodi halai», bainhira iha problema ida; nafatin bainhira ita invoka Nia, Nia la demora atu mai; nia atensaun lais nian. Na’i-Feto atensaun lais nian: imi gosta nune’e? Mai ita dehan hamutuk: «Nai-Feto atensaun lais». Lalais, atu besik ita, lalais tanba nia mak Inan. Iha portugés, ita dehan «apressada» – D. Ornelas observa. «Nossa Senhora apressada»! No nune’e mak nia akompaña Jezús nia moris; no haksumik depoizde Resurreisaun, akompaña dixípulu sira hein Espíritu Santu; no akompaña Igreja ne’ebé hahú moris depoizde Pentekostes, Na’i-Feto ne’ebé hatudu atensaun lais no Na’i-Feto ne’ebé akompaña.Akompaña nafatin. Nunka sai protagonista, Jestu ne’ebé Inan Maria simu iha rua: primeiru simu no depois hatudu ba Jezús. Maria, iha nia moris, la halo buat seluk maibé hatudu Jezús: «Imi halo buat ne’ebé Nia dehan ba imi». Tuir Jezús bá.

Ita hanoin katak ne’e mak Maria nia jestu rua: Maria simu ita hotu no hatudu Jezús, No nia halo ho solisitude, ‘apressada’. Ita hanoin kona-ba ne’e, bainhira it amai iha ne’e, Iha-ne’e Maria sai prezente ho modu espesiál, atu fuan barak nia fiar-laek loke ba Jezús. Ho ninia prezensa, nia hatudu Jezús, nia nafatin hatudu Jezús. No ohin iha-ne’e iha ita lee; Nia nafatin iha ita leet,, maibé ohin ita sente nia besik liu, Maria atensaun lais.

Belun sira, Jezús hadomi ita to’o pontu identifika an ho ita, no ni ahusu ita atu kolabora ho Nia. No Maria hatudu mai ita buat ne’ebé Jezús husu mai ita: la’o iha moris hodi kolabora ho Nia. Ha’u hakarak atu ohin ita hateke ba imajen Maria nian no ida-idak hanoin: said amak Maria nu’udar Inan dehan mai ha’u? Saida mak nia hatudu daudaun mai ha’u? Nia hatudu Jezús mai ita; dalaruma nia hatudu mai ita mós buat ki’ik ruma ne’ebé la funsiona di’ak iha fuan, maibé nia sempre hatudu. “Inan, said amak ita hatudu mai ha’u?”. Ita halo momentu ki’ik ida silénsiu nian no ida-idak iha nia fuan dehan: “Inan, saida mai ita hatudu daudaun mai ha’u? Saida mak iha ha’u-nia moris preokupa ita? Saida mak iha ha’u-nia moris halo ita triste? Saida iha ha’u-nia moris mak dada ita-nia atensaun? Hatudu mai ha’u bá”. No nia hatudu mai ita fuan, atu Jezús mai to’o nia. No nune’e nu’udar Nia hatudu Jezús mai ita, ba Jezús nia hatudu ita ida-idak nia fuan.

Maun no biin-alin sira, ita ohin ita sente Mari Inan nia prezensa; Inan ne’ebé la para atu dehan:«Imi halo buat ne’ebé Jezús dehan ba imi»; nia hatudu Jezús mai ita. Maibé mós Inan ne’ebé dehan ba Jezús: «Halo buat ne’ebé sira-ne’e husu ba Ó». Ida hanesan ne’e mak Maria. Ida-ne’e mak ita-nia Inan, Na’i-Feto atensaun lais atu hela besik ho ita. Atu Nia haraik bensan mai ita hotu! Amén.