Fidelidade no perseveransa

Loron ikus ami nia formasaun Segundo Noviciado nian ho Madre Maria Letizia FMA.

FIDELIDADE NO PERSEVERANSA”.

Fidelidade mak “fiel” katak ha’u fiar no laran metin. “Perseveransa” katak ba nafatin. Madre dehan ” ita tenke hanoin katak fidelidade mak prezente husi Maromak, laos ha’u mak fiel maibé Maromak mak fiel. Ita hare iha Evangelho feto sira ne’ebé persévera hodi hare ba Jesus Ninia moris hias mak “Maria Madalena” nia mak feto ida ne’ebé Persevera nafatin to’o hare Jesus Nia moris tan ne’e ema hanaran nia Maria apostola de Cristo. Hare mos iha Antigu Testamentu profeta Hoseia nian 12,16 : hateten maske povu Israel la fiel maibé Maromak fiel ba nafatin. Aliansa ne’ebé Maromak fó ba ita ema ida ne’ebé as liu mak ” Jesus fatuk ne’ebé metin”. Nia mak modelu fidelidade nian tanba sai fiel ba Maromak ho situasaun ema nian hodi prontu atu tuir Maromak Nia hakarak nune’e mos mak husu ita atu moris tuir.

Fidelidade presiza enkontro/hasoru malu nian. Katak ita nia enkontro ne’ebé halo Maromak iha orasaun sira tenke hatudu iha realidade moris loron loron nian. Tuir mai madre mos esplika oituan kona ba ita nia fidelidade tuir dinamismu, tuir idade,responsabilidade no ita nia maturidade humana, nune’e loron-loron ita tenke aumenta ita nia fidelidade no halo nia sai buras. Ita nia fidelidade mos tenke ba klean oituan hodi hare ba Institutu tuir ezemplu Madre Mazzarello nian, katak ita nia fidelidade mak labarik sira nia edukasaun no mós atu sira bele koñese no Jesus hadomi liutan Jesus, sai sarani diak no ema los. No ita nia objetivo ikus mak atu sai Santa, no atu sai santa ita presiza persebera iha dalan ne’ebé ita hili mak atu tuir Jesus hodi hare mos iha Vida fraterna nian.

Obrigada ba irman sira ida idak ne’ebé hatudu sasin fidelidade nian.  Reza mos mai ami nia fidelidade loron-loron nian ba Na’i.

(Domingas – Fatima FMA)