SEGUNDU NOVICIADO HAKLEAN “VOTU OBEDIÉNSIA NO KASTIDADE”

 Fátima Martins no Domingas Pereira.

Dili, 1-9 Julho 2023.

Ho fuan,  ami agradese Na’I ba Ispetoria  ne’ebé  fó oportunidade mai ami atu bele halo ami nia segundu Noviciado nian. Iha loron primeiru ami reflete votu obediénsia nian iha parte ne’e ami hetan gia husi Ir. Esmeralda Soares, FMA. Molok ami haklean votu obediénsia tuir ita nia konstituisaun, uluk knanain ami hare ba signifikadu teolójiku obediénsia nian mak,  “Kristu nia obediénsia ba Aman Maromak “, Dixipulu sira nia obediénsia ba  Kristu, no Obediénsia komunidade sarani nian.  Kristu nia obediénsia  ba Aman ida ne’e mak fundamentu ou baze  ba votu obediénsia nian. Iha tempu hanesan madre mos aprezenta mai ami kona- ba obediénsia evanjélika. Iha obediensia ida ne’e hare mos ba dimensaun sira mak : dimensaun Kristolojiku, dimensaun pesoal, dimensaun komunidade. Hare ba obediensia tuir ita nia konstituisaun “ AUTORIDADE NO OBEDIENSIA IHA VIDA FRATERNA”, hola parte ba ita nia moris, tamba iha obediénsia unifika komunidade nia sasin kona ba Reino Maromak nian, no halo ida- idak lao iha ksolok atu serbi.

Iha segunda parte ami hetan gia husi Me. Alma kona ba votu “kastidade” nian. Madre halo lectio  kona ba Profeta Oseia nian “ Ha’u sei halo ó ha’u nia kaben ba nafatin, halo ó ha’u nia kaben, iha Justisa no iha direitu, iha laran diak no iha domin”. Liafuan ne’ebé  sai matadalan ba votu kastidade nian. Depois de loke ho lectio loron ba loron ami tama iha artigu ida idak no mos pasajen Evangelho nian, no mos liga ba DB no MM, ne’ebe tulun ami atu fó valor nafatin ba moris kastidade nian iha moris komunidade liu-liu relasaun umana no amizade ne’ebé  autentiku.

Ikus liu agradese wa’in ba Madre sira nia disponibilidade no domin, hodi akompaña ami iha ami nia reflesaun sira kona ba votu sira ne’e.

Obrigada  barak