I. Oh Maria nia futar Fuan Sala-Laek, ne’ebé hetan naroman husi Jezús, Loron-matan justisa nian, halo naksira iha ema ksolok-laek sira ne’ebé moris iha nakukun salan nian, ita-nia naroman divinu, no halo sira sente arrependimentu ba sira-nia salan no lalais hetan dalan atu sai husi moris salan nian.
Ave Maria…

15
II. Oh Maria nia futar Fuan Sala-Laek, abrigu ba sala-na’in sira, sira nain hira ona mai, liuhusi Ita-nia intersesaun, esperimenta ona laran-moras ba sira-nia salan, nu’udar frutu dahuluk sira grasa divina ne’ebé ita mak Inan. Ina doben, Ita kontinua bá obra ne’ebé Ita hahú ona, no lori sira ho laran-metin no ho arrependimentu ba Ita-nia Oan divinu, Jezús.
Ave Maria…

III. Oh Maria nia futar Fuan Sala-Laek, Fuan ne’ebé dala rihun ba rihun surik salan nian sona borus! Ho laran-sadia, halo atu ema sira ne’ebé monu iha mizéria salan nian, hodi hedi hikasfali Ita Oan divinu iha krús, iha laran-moras profundu ba sira-nia hahalok aat sira, no hetan grasa atu keta monu fali ba salan.
Ave Maria…

IV. Oh Maria nia futar Fuan Sala-Laek, mutin liu neve, nabilan liu loron-matan, hanoin netik bá ema mukit sira ne’ebé halerik kona-ba sira-nia kbiit-laek atu sai husi moris-atan ne’ebé vísiu sira dadur metin sira. Inan doben, Ita Virjen Beran-Boot liu, harahun tiha korrente sira ne’ebé demóniu hodi kesi no rasta sira ba destruisaun eterna.
Ave Maria…

V. Oh Maria nia futar Fuan Sala-Laek, ne’ebé terus barak hamutuk ho Jezús iha Kalváriu tanba ema maksalak sira, iha ema lubun-boot sira ne’ebé hotar no soe piadas lahó travaun hasoru Ita Oan no Ita. Ita hatene oinsá ema nia espíritu mak espíritu fraku no tauk-teen, tulun atu ema sir ane’ebé la’o sala dalan bele manán respeitu umanu sura, no despreza ema fuan toos sira-nia zombaria no lia kroat sira, atu sira hakohak metin Ita-nia Fuan Inan nian hodi nunka haketak an tan husi Ita.
Ave Maria…

VI. Oh Maria nia futar Fuan Sala-Laek, fuan mamar no nakonu ho laran-sadia mai ami, ne’ebé fó ba Jezús raan ne’ebé nia fakar tomak iha Krús leten atu fase ami-nia klamar nia salan hotu, Ita mós lori ema maksalak sira atu ba fase salan sira iha Krús, hodi tulun sira hakbesik ba Sakramentu Peniténsia ho fuan nakonu ho arrependimentu no laran-moras ba sira-nia salan.

Ave Maria…

 

VII. Oh Maria nia futar Fuan Sala-Laek, templu Divindade nian, sakráriu Maromak nia Liafuan nian, tronu nabilan glória nian, santuáriu grasa hotu nian, hamoos husi ema sarani hotu nia klamar, foer nakukun salan nian, no halo atu naroman rgrasa nian nabilan iha sira, nune’e sira sai dignu atu simu Ita Oan Jezús.
Ave Maria…

VIII. Oh Maria nia futar Fuan Sala-Laek, fonte grasa hotu nian, horik-fatin virtude aas hotu nian, halo atu klamar sira ne’ebé hakribi salan sai nabilan iha virtude kristán Fé, Esperansa no Karidade nian; nune’e, hodi hafutar an ho beleza wain, loron ida sira sei hasoru Ita loke odamatan Lalehan ba sira.
Ave Maria…

IX. Oh Maria nia futar Fuan Sala-Laek, ema fiar-na’in sira-nia espernasa, lalehan nia ksolok, infidelidade sira ne’ebé liu ona halo nakdedar ema rahun-di’ak sira ne’ebé moris hi’as ona ba grasa, Oh Liurai-Feto lalehan no rai nian, oh Abrigu ema maksalak sira-nian, kontinua ita-nia ministériu mizerikórdia no domin nian, hodi keta hsuik sira haketak an ona husi Ita. Ita mak Inan santa perseveransa nian! Sia sira-nia Inan bá: korriji sira, kastiga sira bá; maibé rai sira iha Ita-nia Fuan santu liu no sala-laek.
Ave Maria…