Roma – Loron 7 Outubru, memória Na’i-Feto Rozáriu nian, Kapitulár sira hahú sira  hahú sira-nia atividade ho Selebrasaun eukarístika ne’ebé prezide husi Mons. Guerino Di Tora, Bispu Ausiliár Roma Norte nian, ne’ebé iha ninia omilia halo reflesaun kona-ba  Na’i-Feto Rozáriu nian.

Loorn intensu liu ba Kapitulár sira, ne’ebé kontinua reflete iha grupu kona-ba tema Kapítulu nian no iha loraik tuku  neen  halibur iha Aula Teatru nian ba aprezentasaun livru “Filialità: percorsi di riflessione e di ricerca” nu’udar rezultadu husi Semináriu Internasionál ne’ebé Pontificia Facoltà di Scienze dell’Educazione «Auxilium» no Institutu Figlie di Maria Ausiliatrice (FMA) organiza iha tinan kotuk husi 23-28 Setembru 2013.

Livru ne’e propoin kontributu riku ida estudu interdixiplinár kona-ba kategoria filiasaun nian nu’udar kondisaun no vokasaun umanidade nian.

Eventu ne’e hahú ho momentu badak orasaun nian, hafoin liafuan aprezentasaun husi Madre Jerál, Yvonne Reungoat no husi Reitora Facoltà Auxilium, Ir Pina del Core ne’eb’e salienta oinsá Filiasaun sai sentru vizaun no misaun Facoltà nian: “Ho Maria ba kultura ida moris nian “.

Madre Yvonne, subliña oinsá aprezentasaun livru ne’e nian halo enkuantu iha Vaticano selebra Sínodu Família nian no afirma:”Sai oan katak iha aman no inan ida, lori ita ba família ida. Sai oan mak, defaktu esperiénsia konstitutiva ne’ebé karakteriza ezisténsia tomak iha ninia lala’ok dinámiku ba plenitude; favorese resiprosidade no gratuidade, promove relasaun interjenerasionál, loke ba esperiénsia fiar nian. Iha komunikasaun ba fiar, família iha papél sentrál”.

Ir Marcella Farina, Dosente iha Auxilium mak modera aprezentasaun livru ne’e nian husi Pina Bellocchi (VDB), Noemia Beertola (Saleziana Kooperadora) no Antonio Escudero (SDB). Tuir Ir Marcella Farina, “filiasaun” mak kategoria ne’ebé interpela dalan formasaun identidade umana, sarani no karizmátika..

Resonánsia husi Pina Bellochi konsentra iha pontu sira hanesan: sai oan iha Oan; edukasaun, sai biin-alin no sai sasin. Noemi Bertola, halo leitura livru nian husi ninia esperiénsia nu’udar saleziana kooperadora, hodi foka  aspetu karakterizante asosiasaun nian hanesan família, fraternidade no dimensaun mariana.

Antonio Escudero, SDB hateten katak livru ne’e mak obra ida nakloke ba orizonte barak, loke oprotunidade barak atu hakle’an liután. Nia fó motivu tolu atu apresia livru ne’e: ida ba ninia métodu tanba la’ós fasil atu estuda ema nia piedade marian; rua, ba estudu kona-ba moris konkretu no ligasaun ho vida; tolu ba kualidade linguajen nian. Nia define testu ne’e nu’udar “orijinál no empeñativu; sujestivu no propozitivu, loke ba peskiza seluk ne’ebé hatán ba dezafiu sira kultura atuál nian no nesesidade edukativa foin-sa’e sira-nian. Nia mós fó kritériu ruma ba leitura livru nian.

Madre Jerál taka aprezentasaun ho enkorajamentu ba leitura livru ne’e nian ho esperansa katak “iha mistériu filiasaun divina nian no Maromak nia família nian ita hotu bele hetan bee-matan ba kslok, sentidu plenitude moris nian”.