Adelaide Gabriel

 

Balide, loron 11-16 Fulan Juñu, sai momentu espesial no komuñaun nian ba komunidade tomak ho prezensa Ir. Alma Castagna, FMA iha okaziaun vizita kanónika ba tinan ida ne’e nian.

Vizita ne’ebé nakonu ho espíritu familia no klima domin nian, hahú ho serimónia Bemvinda ho dansa tradisional Timor no tutan kedas ho orasaun simu nian.

Durante vizita Ir. Alma fo tempu atu la’o hamutuk ho komunidade iha Orasaun, Lectio Divina, rona Irmán sira iha enkontru pesoál, konferensia, Boa noite, no konvida mos Irmán sira konsidera vizita ne’e nu’udar momentu dixernimentu nian, haré hamutuk dalan sira ne’ebé hili iha projetu komunidade nian, katak “sai fermentu iha massa hodi rona buat ne’ebé Na’i dehan, tuir modelu sinodalidade nian”.

Aléinde enkontru ho Irmán sira, Ir. Alma   hasoru mós grupu oioin ne’ebé hola parte no kolabora iha misaun komunidade nian hanesan: ADMA, animadores, menina koléjiu, menino/a Kursu Komputador, responsáveis eskola Cristal, Amu Paroku Balide no oratorianu sira.

Ho vizita ne’e enkoraja liután Irmán sira  moris ho ksolok vokasaun nu’udar FMA no empeña an iha misaun komunidade nian. Vizita ne’e remata iha loron Sesta-Feira, Solenidade Sagrado Coração de Jesus ho Missa agradesimentu ba Ir. Alma. Obrigada wain Ir. Alma ba domin no dedikasaun tomak.